Nevojiten masa specifike nga KE. Vetëm financimi nuk zgjidh problemet e fermerëve të lindura nga lufta në Ukrainë dhe importi pa taksa të produkteve bujqësore nga Ukraina. Ministrat e bujqësisë të Bullgarisë, Polonisë, Rumanisë, Hungarisë, Republikës Çeke dhe Sllovakisë arritën në këtë përfundim në një takim të sotëm online. Disbalanca në gjashtë vendet ndihet edhe më shumë për faktin se në vendet e reja anëtare të BE-së subvencionet janë më të vogla, tha ministri i bujqësisë Javor Geçev, i cili përfaqësoi Bullgarinë në takim.

Në prag të korrjes së re, magazinat e fermerëve janë mbushur plot me prodhimet e vitit të kaluar. Në takim u tha gjithashtu se 1500 ton grurë me përmbajtje të dëshmuar të pesticideve të ndaluara nga BE-ja u sekuestruan në Sllovaki. Në fillim të këtij muaji, Hungaria zbuloi dhe asgjësoi më shumë se 29 tonë misër me toksina dhe OMGJ, njoftojnë nga ministria.