Të dielën do të mbajë mot i vranët dhe vende-vende do të ketë reshje shiu, kryesisht në Bullgarinë Lindore dhe në zonat malore. Do të fryjë erë mesatare jug-juglindore. Temperaturat maksimale do të lëvizin ndërmjet 15 dhe 20 gradë, në Sofje rreth 17 gradë.

Në Detin e Zi do të mbizotërojë mot i vranët dhe pasdite do të ketë reshje shiu. Temperaturat maksimale do të lëvizin ndërmjet 14 dhe 18 gradë, ndërsa uji i detit 9-11 gradë.

Mbi malet do të mbajë mot kryesisht i vranët, me erë dhe reshje shiu, mbi 1900 m - me borë. Temperatura maksimale në një lartësi prej 1200 m do të jetë rreth 10 gradë, në 2000 m - rreth 4 gradë.

Jashtë vendit

Në Ballkan do të mbajë mot i vranët dhe me shi. Më e ngrohta do të jetë në Athinë - 21, në Shkup - 20, në Stamboll - 19, në Bukuresht, Beograd dhe Selanik - 18. Në Gadishullin Iberik do të jetë kryesisht me diell. Mbi Evropën Perëndimore do të ketë vranësira të konsiderueshme, edhe mbi Evropën Qendrore do të jetë me vranësira, por edhe me shi. Do të jetë 16 gradë në Londër dhe Paris, 24 në Madrid, 13 në Berlin dhe Vjenë dhe 19 në Romë.

Në Nju Jork, gradët do të arrijnë në 21. Më ngrohtë do të jetë në Montreal – 25, dhe në Dubai – 28, ndërsa në Los Anxhelos temperatura maksimale nuk do të kalojë 20 gradë dhe në Çikago dhe Buenos Aires – 19 gradë.