Me takimin me grupin më të vogël parlamentar – “Ka popull të tillë”(ITN), përfunduan konsultimet politike të presidentit Rumen Radev para dorëzimit të mandatit të parë për formimin e qeverisë në kuadër të Legjislaturës së 49-të të Kuvendit Popullor. Kryetari i grupit parlamentar të ITN-së Toshko Jordanov tha se në këtë situatë të vështirë është politikisht përgjegjëse të ketë një kabinet. Megjithatë, ai vuri në dukje para gazetarëve se “përgjegjësia dhe çelësi i stabilitetit janë dy forcat e para politike (GERB-SDS dhe “Po e vazhdojmë ndryshimin - Bullgaria Demokratike”)”. Nëse mandati i tretë i jepet ITN-së, partia është e gatshme të propozojë një qeveri.