Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Vlladimir Kërparov po kthehet nga Berlini për një koncert me Big Bendin e Radios Kombëtare Bullgare

Saksofonisti virtuoz Vlladimir Kërparov do të prezantojë muzikën e tij origjinale së bashku me Big Bendin e Radios Kombëtare Bullgare (BNR) me dirigjent Antoni Donçev në një koncert që do të mbahet më 27 prill në orën 19:00 në Studion e Parë të Radios.

Vlladimir Kërparov prej vitesh jeton dhe performon në mbarë Evropën si dhe në Gjermani ku jeton.

Ai u diplomua në Akademinë Kombëtare të Muzikës “Prof. Panço Vlladigerov” në Sofje dhe pas kësaj edhe në Shkollën e Lartë të Muzikës “Hans Eisler” në Berlin. Ka luajtur me një sërë muzikantësh të njohur. Ka marrë pjesë në festivale muzikore në Evropë, Azi, Amerikën Latine dhe Amerikën Veriore, Afrikën e Veriut.

Në vitin 2020 Ministria e Kulturës së Bullgarisë iu dha Certifikatën për kontributin e tij në promovimin e kulturës bullgare në mbarë botën. Ai është gjithashtu mbajtës i çmimit “Artisti më i mirë i ri i xhazit të vitit 1996”, Çmimit të tretë në Konkursin Ndërkombëtar të Xhazit në Monako në vitin 1999, Çmimit “Medica pro Musica” për Muzikantët e Rinj në Dyseldorf në vitin 2000.

Në krijimtarinë e tij, Vlladimir Kërparov ndërthur xhazin modern me folklorin bullgar.

Kompozicioni “Më mëso, nënë” është një këngë e vjetër popullore në një aranzhim autori të Vlladimir Kërparov. Ai e regjistroi me muzikantët e kuartetit të tij dhe do të jetë pjesë e albumit të radhës, i cili pritet të dalë në fund të vitit. Soliste vokale është Katja Tasheva, e cila do të dalë në skenë edhe gjatë koncertit në Sofje. “Më mëso, nënë” është një nga tri këngët që Vlladimir Kërparov i aranzhoi enkas për Big Bendin e BNR-së dhe do të interpretohet në koncertin e 27 prillit.

Redaktore: Diljana Traçeva

Përgatiti në shqip: Svetllana Dimitrova





Последвайте ни и в Google News Showcase, за да научите най-важното от деня!

Më shumë nga rubrika

Orkestra Filarmonike e Sofjes do të performojë për herë të tretë në Sallën e Artë të Musikverein - Vjenë

Më 17 mars, Orkestra Kombëtare Filarmonike dhe kryedirigjenti i saj do të jenë sërish të ftuar në sallën legjendare të Artë të Shoqatës së Muzikës së Vjenës - Wiener Musikverein. Nën dirigjimin e Najden Todorovit do të tingëllojë Koncerti për Trumbetë..

botuar më 25-03-15 7.30.PD

Në Ruse fillojnë Ditët Muzikore të Marsit

Sot në Ruse fillon edicioni i 64-të i Festivalit Ndërkombëtar të Muzikës “Ditët Muzikore të Marsit”. Ai do të zgjasë deri më 31 mars. Në kuadrin e aktivitetit do të mbahen njëzet e tre koncerte me vepra nga Rilindja dhe Baroku deri te muzika..

botuar më 25-03-14 8.25.PD

"Magjia"pranverore e Irina Fllorin

Irina Fllorin është ndër këngëtaret bullgare me një ndjenje të theksuar moderniteti në të gjitha dimensionet e tij. Tendencat më aktuale përshkojnë muzikën e saj, me të cilën ajo vazhdon të jetë e pranishme prej vitesh në skenën bullgare...

botuar më 25-03-13 8.15.PD