Deputetët në parlament nderuan me deklarata Ditën Ndërkombëtare në Kujtim të Viktimave të Gjenocidit Armen. 24 prilli është shpallur Dita Ndërkombëtare e Solidaritetit me Popullin Armen nga Parlamenti Evropian që në vitin 1987, tha kreu i partisë “Vëzrazhdane”, Kostadin Kostadinov. Ai kujtoi se parlamenti bullgar miratoi një deklaratë në vitin 2015, e cila caktoi 24 prillin si ditë përkujtimore të viktimave, por nuk përdorte fjalën "gjenocid", por "shfarosje masive".

Ilina Mutafçieva nga "Po e vazhdojmë ndryshimin - Bullgaria Demokratike" theksoi se 24 prilli është një datë për përkujtimin e 1.5 milionë armenëve që humbën jetën.

Lideri i DPS-së, Mustafa Karadajë theksoi se “të gjithë ne si njerëz duhet të tregojmë dhembshurinë dhe simpatinë ndaj viktimave në çdo moment, por në të njëjtën kohë duhet të dallojmë qartë veten si politikanë nga një qasje selektive ndaj ngjarjeve historike, si dhe nga tema që mund të vizatojnë vija të reja ndarëse'.