Prokuroria në Manastir ngriti aktakuzë për nxitje të urrejtjes dhe ksenofobisë kundër kryetarit të Shoqatës Bullgare “Ivan Mihajllov” në qytet, Ljupço Georgievski, njofton BTA. Në njoftimin e prokurorisë nuk thuhet shprehimisht emri i Georgievskit, por saktësohet se bëhet fjalë për një banues 45-vjeçar në Manastir, i cili “veprat i ka kryer në periudhën prej 16 prilli 2022 deri më 22 mars 2023, duke ditur se përhap urrejtje dhe intolerancë, në bazë të përkatësisë etnike, gjuhësore, fetare dhe statusit shoqëror, ndaj popullit maqedonas dhe pjesëtarëve të komunitetit hebre në shtet”. Prokuroria maqedonase si vepër penale përmend edhe popullarizimin e një citati të Ivan Mihajllovit, i cili mohon veçantinë e kombit maqedonas, gjuhën dhe luftën antifashiste të komunistëve maqedonas.

• Maqedonia e Veriut: Klubi bullgar “Ivan Mihajllov” në Manastir ushtron diskriminim
• Autoritetet në Shkup e mbyllën klubin bullgar “Ivan Mihajllov” në Manastir
• Bullgarët maqedonas duan të marrin pjesë në ndryshimet në kushtetutë