Ne bëjmë thirrje për përfundimin e menjëhershëm të proceseve politike kundër liderëve të bullgarëve maqedonas, të cilët kërkojnë vetëm barazi dhe një vend dinjitoz mes qytetarëve të tjerë të Maqedonisë së Veriut. Këtë e theksoi në parlament Elisaveta Bellobradova në një deklaratë në emër të formacionit “Po e vazhdojmë ndryshimin - Bullgaria Demokratike” në lidhje me 120 vjetorin e vdekjes së vojvodës Goce Dellçev.

Me një deklaratë të partisë “Ka një popull të tillë”, Toshko Jordanov kujton se vetëm ata dhe “Vëzrazhdane” nuk përkrahën heqjen e vetos për negociatat për anëtarësim e Maqedonisë së Veriut në BE-në. “Pas rënies së vetos në Maqedoninë e Veriut filloi terrori, edhe më i madh, ndaj bullgarëve. Tani do të ketë edhe një proces politik”, tha Jordanov.

Georg Georgiev nga GERB vuri në dukje se sot duhet të vazhdohet me testamentin e Dellçevit, “ e pikërisht, se Bullgaria të luftojë jo vetëm për interesat e veta, por edhe për interesin e përbashkët evropian”.

• Prokuroria maqedonase akuzoi një bullgar për promovim të Ivan Mihajllovit