“Po e vazhdojmë ndryshimin - Bullgaria Demokratike” (PP-DB) kërkoi dorëheqjen e zëvendëskryeprokurorit Borisllav Sarafov për shkak të aksidentit me veturën e prokurorit të përgjithshëm Ivan Geshev në fillim të javës. Kjo ndodhi pasi ministri i brendshëm Ivan Demerxhiev në parlament përgënjeshtroi deklaratën e Sarafov se edhe familja e kryeprokurorit ishte në makinë me të gjatë shpërthimit në rrugën Samokov-Sofje. “Vetëm një rastësi e shpëtoi kryeprokurorin dhe familjen e tij”, tha Sarafov pas incidentit. Demerxhiev gjithashtu theksoi se pajisja shpërthyese e përdorur nuk lejon që vala goditëse ose mbeturinat të depërtojnë në kabinën e pasagjerëve të një makine të blinduar. Për shkak të mospërputhjeve në informacione, bashkëkryetari i PP-DB Atanas Atanasov tha se ka “dyshime serioze” për objektivitetin e Shërbimit Hetimor Kombëtar, kreu i të cilit është Sarafov. Zëvendës prokurori i përgjithshëm tha se nuk do të japë dorëheqjen. Informacionin që dha ai e shpjegoi me faktin se ishte mashtruar nga fjalët e Geshevit se po shqetësohet për fëmijët e tij.

• Prokurori i Përgjithshëm ka qenë objektiv i një atentati, sipas hetimeve
• Është e paqartë se si një ekspert izraelit është gjendur në vendin e sulmit kundër Prokurorit të Përgjithshëm