Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Ljubomir Llazarov: Radio Bullgaria ka pasur gjithmonë një standard të lartë, i cili vazhdon edhe sot

Foto: Darina Grigorova

Gati 20 vjet më parë, kur mediat elektronike sapo kishin filluar të hynin në hapësirën e internetit, një ekip të rinjsh dhe entuziastësh krijuan një nga faqet më të lexuara të internetit - atë të Radio Bullgarisë. Kryeredaktori ishte gazetari Ljubomir Llazarov.

Në vitin 2001 ai pranoi sfidën për të drejtuar Redaksinë e Internetit të programit në gjuhë të huaja të Radios Kombëtare Bullgare (BNR). Në fillim redaksia e sapokrijuar nuk kishte as një bazë ku të qëndronte dhe të fillonte të ndërtonte themelet e hapësirës së internetit të BNR-së. Pas tre vitesh punë të palodhur, në maj 2004, faqja u përfundua, duke u bërë uebsajti i parë i BNR:

“Pavarësisht vështirësive që patëm uebfaqja e Radio Bullgarisë në 11 gjuhë (bullgarisht, rusisht, frëngjisht, anglisht, gjermanisht, spanjisht, greqisht, shqip, serbisht, turqisht dhe arabisht) u bë fakt. Ajo ende nuk ka një analog në hapësirën bullgare të internetit, me të gjitha këto informacione "nga Bullgaria" dhe "për Bullgarinë" për tema të ndryshme, në të gjitha këto gjuhë”, tha Ljubomir Llazarov para gazetares Darina Grigorova.

Një muaj më vonë, në fillim të qershorit 2004, në Ueb Festivalin Ndërkombëtar në vendpushimin tonë detar Allbena, faqja e Radio Bullgarisë - bnr.bg. u nderua me çmimin prestigjioz "Ombrella e Artë" dhe u shpall Siti i Vitit. Kjo ishte një njohje e vërtetë e profesionalizmit të ekipit të internetit, i cili u vlerësua lart edhe nga Bashkimi Evropian i Radio-Televizioneve (EBU). Faqja e Radio Bullgarisë vazhdoi të zhvillohet dhe të ndjekë dinamikën e hapësirës së internetit me përmbajtje interaktive në një faqe të re të përmirësuar që mundësonte zgjedhjen e rubrikave dhe zhvendosjen e tyre.

Prezantimi i saj në Gjenevë në vitin 2010 shkaktoi një sensacion të vërtetë dhe nxiti interesimin e ekspertëve të EBU-së. Në vend të pesë minutave sipas rregullores, specialistët e medias nga BE-ja i kushtuan një orë të tërë kryeredaktorit të Redaksisë së Internetit. “E vërteta është se edhe sot e kësaj dite faqja e Radio Bullgarisë nuk ka një analog në hapësirën mediatike”, theksoi edhe një herë Ljubomir Llazarov dhe shtoi:

“Fatkeqësisht, me kalimin e kohës, njëra nga gjuhët u hoq, për shkaqe që nuk vareshin nga ne. Kjo ishte gjuha arabe dhe faqja më e vizatuar në sajtin tonë. Kohët e fundit kuptova se numri i gjuhëve është rivendosur dhe ato janë përsëri 11, por me gjuhën rumune – një nga gjuhët e para në të cilën Radio Bullgaria ka transmetuar pas krijimit të saj. Kjo është mirë sepse tani ka informacion në të gjitha gjuhët ballkanike. Nuk do të teproj po të them se kishte një entuziazëm të madh mes të gjithëve. Këta njerëz vërtet besuan se ne do të bënim diçka shumë serioze dhe shumë të madhe, gjë që doli të ishte ky uebsajt. Në asnjë rast nuk duhet nënçmuar puna e tyre! Ekipi u mblodh shpejt dhe filluam punën. E gjithë kjo na kushtoi shumë përpjekje dhe shumë net pa gjumë. Çdo sipërmarrje e re që është e madhe, komplekse dhe e mirë ndërtohet fort dhe besoj se askush nuk pendohet për vitet kur filluam së bashku”.

Megjithatë, të gjithë e dimë se profesionalizmi ka një anë tjetër, që nuk është drejtuese, por e domosdoshme për mbijetesën e tij, dhe ajo është vlerësimi dinjitoz i punës. Fakti që të gjithë që punojnë në BNR vazhdojnë të kryejnë me zell dhe cilësi detyrat e tyre, në kufijtë e mbijetesës, është sepse e bëjnë këtë nga ndjenja e detyrës. "Meqenëse jemi në këtë profesion - ne kemi detyrë ndaj tij, ndaj shoqërisë, ndaj të gjithëve", theksoi Ljubomir Llazarov.

Ljubomir Llazarov me një pjesë të ekipit të Faqes së Internetit të Radio Bullgarisë, 2012.

Gazetarët e Radio Bullgarisë gjithmonë kanë qenë në krye të asaj që është aktuale, gjithmonë kanë dhënë informacione reale, pa asnjë vërejtje. Mund të them se për 20 vjet që kam kaluar këtu, në Radio Bullgarinë nuk ka pasur asnjëherë probleme për shkak të informacionit të rremë, ose të pasaktë. Këtë e di edhe nga kolegë të tjerë të programit që janë më të moshuar se unë. Kjo flet për një standard shumë të lartë dhe jam i lumtur që ai po vazhdon edhe tani. Jo shumë kohë më parë kishte një drejtor, emrin e të cilit nuk dua ta përmend, i cili donte ta mbyllte Radio Bullgarinë, si një media e panevojshme. Kjo çmenduri pothuajse kishte ndodhur, por ne e kundërshtuam, sepse Radio Bullgaria duhet të vazhdojë të propagandojë kulturën, etikën, historinë e vendit tonë. Prandaj u uroj kolegëve të mi atë që kanë treguar gjithmonë në kohë të vështira – stoicizmin, të mbijetojnë pavarësisht vështirësive dhe mbi të gjitha të jenë të shëndetshëm”.

Së fundmi, Ljubomir Llazarov arriti në еtapën e fundit të lojës televizive "Bëhu i pasur". Ai u largua nga loja me 50 000 leva (afro 25 000 euro), duke shpresuar të luajë përsëri dhe të fitojë shumën më të madhe për një qëllim bamirësie.

Përgatiti në shqip: Vesella Mançeva

Foto: Darina Grigorova, BNR


Më shumë nga rubrika

Programi i ditës – 25 shtator 2023

Të nderuar miq, në fillim të programit tonë më 25 shtator 2023 do të dëgjoni lajmet e fundit. Më pas, do t’ju informojmë për rekomandimet e "Tripper Travel Guide" për të vizituar me çdo kusht Muzeun Detar në Varna. Në rubrikën tonë të përditshme..

botuar më 23-09-25 3.00.MD

Bullgaria sot – 22 shtator 2023

Për të gjithë bullgarët, kudo në botë, 22 shtatori është një ditë feste. Më 22 shtator Bullgaria shënon 115 vjet nga ajo ditë e shënuar e vitit 1908, kur Mbreti Ferdinan e shpalli Pavarësinë e saj. Njohja e Pavarësisë së Bullgarisë..

botuar më 23-09-22 7.00.PD

Bullgaria sot – 21 shtator 2023

Në këtë program më parë mund të dëgjoni lajmet e ditës. Në minutat për muzikë ju ofrojmë këngën “Dielli po ndriçon”. Ju urojmë minuta të këndshme! 01:20  –   Lajmet 08:27  –   Kënga e Ditës

botuar më 23-09-21 3.00.MD