Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Nderojmë festën e Shën Konstantinit dhe Elenës

Foto: БГНЕС

Shën Konstantini ishte perandor i Bizantit në shekullin e IV. Ai vendosi fenë e krishterë si fe zyrtare në Bizant. Nëna e tij, Elena, gjeti kryqin në të cilin u kryqëzua Shpëtimtari dhe ndërtoi disa manastire në Tokën e Shenjtë. Zbulimi i Kryqit të Zotit konsiderohet ngjarja më e rëndësishme në historinë e Kishës së Krishterë, ndërsa Perandori Konstantin dhe nëna e tij Elena u shpallën shenjtorë. Në zakonet popullore bullgare, festa kombinon traditat e krishtera me ato të lashta të ecjes mbi prush - nestinarstvo. Kjo traditë është ruajtur edhe sot e kësaj dite në disa zona në formën e saj origjinale dhe në shumë vende bëhet edhe si një shfaqje për turistët.

Përgatitjet për festën fillojnë disa ditë para ditës së Shën Konstantinit dhe Elenës. Fondet mblidhen për një kurban të përbashkët, si dhe për pastrimin dhe riparimin e burimeve dhe puseve të fshatit ku bëhet ecja mbi prush. Në shesh përgatitet një grumbull me dru të mbledhura paraprakisht. Në mbrëmje ndizet një zjarr i madh, të gjithë mblidhen rreth tij dhe dëgjojnë meloditë e vallëzimit që lidhen me ritin.

Kur zjarri i ndezur shuhet, prushi i mbetur shpërndahet në një rreth. Njerëzit rrotullohen rreth prushit dhe në krye janë ikonat e shenjtorëve Konstantinit dhe Elenës. Në rrethin e thëngjinjve që digjen, hyjnë zbathur nestinarët, kryesisht gra. Besohet se gjatë kësaj kohe ata hyjnë në një gjendje në të cilën mund të thonë edhe fjalë profetike. Vallja e tyre rituale zgjat disa minuta. Pas lojërave të nestinarëve, të gjithë mblidhen në tryezën e përbashkët me kurbanin e përgatitur.

Autore: Gergana Mançeva

Përgatiti në shqip: Kostandina Bello

Foto: BTA



Последвайте ни и в Google News Showcase, за да научите най-важното от деня!

Më shumë nga rubrika

Fillojnë të Dyzetat e Shenjta

Sot fillon Kreshma e Madhe, më e gjata në kalendarin e Kishës Ortodokse. Javët e para dhe të fundit janë një agjërim i rreptë dhe përveç ushqimeve shtazore dhe qumështore, të cilat janë të përjashtuara gjatë gjithë periudhës së agjërimit, nuk..

botuar më 24-03-18 9.56.PD
Panço Vlladigerov

Festojmë 125 vjet nga lindja e kompozitorit Panço Vlladigerov

Më 13 mars 1899 lindi në Cyrih të Zvicrës kompozitori, muzikanti, dirigjenti dhe mësuesi i madh bullgar Panço Vlladigerov. Ai luante piano dhe kompozonte që në moshë të re. Është autor i veprave të shumta në zhanre të ndryshme - opera, balet,..

botuar më 24-03-13 8.15.PD

Në të Dielën e të Lidhurit të Mishit fillon kalimi në agjërimet e gjata të Pashkëve

Gjithmonë të dielën, tetë javë para Pashkëve, të krishterët ortodoksë festojnë të Dielën e të Lidhurit të Mishit (Mesni Zagovezni). Gjatë liturgjisë, Kisha kujton figurën e Ditës së Gjykimit përmes teksteve në Shkrimet e Shenjta. Aty preken temat e..

botuar më 24-03-10 7.10.PD