Komisioni Evropian dënon vandalizmin ndaj ndërtesës së përfaqësisë së tij në Sofje. “Protestat paqësore janë një e drejtë themelore në çdo shoqëri demokratike, por dhuna dhe vandalizmi janë të papranueshme”, tha zëdhënësja e komisionit Miriam Ferrer për BNR. Ajo sqaroi se komisioni do të informojë autoritetet kompetente për të hetuar rastin.

Ministria e Jashtme bullgare gjithashtu dënoi kategorikisht sulmin. "Akte të tilla janë në kontrast dhe janë të papajtueshme me Bullgarinë moderne, si dhe me vlerat demokratike," thuhet në pozicion.

Të dielën, përfaqësia e Komisionit Evropian në Sofje është lyer me bojë të kuqe gjatë një proteste të partisë "Vëzrazhdane", në të cilën kanë marrë pjesë edhe deputetë të partisë. Ata u deklaruan "kundër ndërhyrjes së Brukselit në punët e brendshme" të vendit.