Katër anëtarë të Kolegjiumit të Prokurorëve në Këshillin e Lartë Gjyqësor dorëzuan propozimin e dytë për shkarkimin e prokurorit të përgjithshëm Ivan Geshev. Motivi është “veprime që cenojnë prestigjin e gjyqësorit”. Kërkuesit i referohen konferencës për shtyp të kryeprokurorit më 15 maj, kur ai i quajti disa prej deputetëve në parlament “plehra politike”. Anëtarët e Kolegjiumit të Prokurorëve të zgjedhur nga parlamenti Jordan Stoev, Kalina Çapkënova, Gergana Mutafova dhe Georgi Kuzmanov insistojnë që Këshilli i Lartë Gjyqësor t’i propozojë presidentit shkarkimin e Ivan Geshevit nga detyra. Ndryshe nga kërkesa e mëparshme për largimin, e dorëzuar më 12 maj, kësaj radhe mungojnë nënshkrimet e Ognjan Damjanov dhe Svetllana Boshnakova.

• Prokurori i Përgjithshëm refuzoi të jepte dorëheqjen dhe u ankua për presion politik
• Stuhia në krye të prokurorisë është një sinjal i krizës në menaxhimin e shtetit