Me veprimtari festive në mbarë vendin dhe në hapësirën shpirtërore bullgare jashtë, komuniteti bullgar feston Ditën e Vëllezërve të Shenjtë Kirill dhe Metodij, e alfabetit bullgar, iluminizmit dhe letërsisë sllave.

Kulmi i festës në Sofje ishte parakalimi solemn, i cili përfundoi me një ceremoni përpara Bibliotekës Kombëtare dhe monumentit të Apostujve Shenjtor Kirill dhe Metodij. Në këtë ngjarje, presidenti Rumen Radev tha: “Ka një ditë në vit kur Bullgaria duket ashtu siç shumë prej nesh dëshirojmë ta shohim. Ka një festë për të cilën nuk debatojmë. Në ditën e Vëllezërve të Shenjtë Kirill dhe Metodij, ne harrojmë diskutimet, pozat dhe titujt. Më 24 maj, të gjithë bullgarët kanë mundësinë të ndiejnë rehatinë e gjuhës sonë amtare, ne i kthehemi asaj si shtëpia jonë, edhe kur jemi vetëm në mendime ose larg vendlindjes. Të mos harrojmë se ne jetojmë në gjuhë dhe ajo jeton përmes nesh. Të gjithë së bashku e rregullojmë këtë shtëpi të përbashkët.”