Këshilli i Lartë Gjyqësor e përcaktoi si të pranueshme kërkesën për shkarkimin e Ivan Geshev. Kështu, u hap procedura për ndërprerjen e parakohshme të mandatit të tij si Prokuror i Përgjithshëm. Ndër temat e shqyrtuara nga Këshilli i Lartë Gjyqësor është edhe raporti i zëvendës Prokurorit të Përgjithshëm dhe kreut të Shërbimit Hetimor Kombëtar Borisllav Sarafov, në të cilin ai vëren se para tij dhe gjashtë prokurorëve të tjerë Geshev ka luajtur një incizim të bisedës së tij me anëtarin e Këshillit të Lartë Gjyqësor Jordan Stoev duke deklaruar se ka mbi 150 audio incizime të politikanëve, magjistratëve dhe anëtarëve të Këshillit të Lartë Gjyqësor.

Megjithatë, Këshilli vendosi të mos dëgjojë gjashtë prokurorët në fjalë. Ndaj Geshev ka edhe një kallëzim tjetër të paraqitur nga katër anëtarë të Këshillit të Lartë Gjyqësor, sipas të cilit Prokurori i Përgjithshëm ka shkelur kodin etik të magjistratëve bullgarë duke përdorur ofendime të papranueshme në media më 15 maj, kujton lex.bg.

• Paraqitën një tjetër kërkesë për shkarkimin e kryeprokurorit