Pa debat dhe me një unanimitet të plotë prej 210 votash pro, pa asnjë votë kundër dhe asnjë abstenim, parlamenti më në fund miratoi ndryshimet në Kodin e Procedurës Penale duke futur një mekanizëm për hetimin e Prokurorit të Përgjithshëm dhe zëvendësve të tij. Këtë e ka bërë të ditur reporterja e BNR, Maria Fileva. Procedura parashikon që kallëzimet ndaj akuzuesit numër një ose zëvendësit të tij t’i dërgohen kryetarit të Bordit Penal të Gjykatës së Lartë të Kasacionit. Nga lista e gjyqtarëve penalë me gradën supreme, do të përcaktohet sipas parimit të rastësisë gjyqtari që do të bëhet prokuror i hetuesisë ndaj Prokurorit të Përgjithshëm. Një tjetër prokuror do të mbikëqyrë hetimin e tij.

Partia Socialiste Bullgare (BSP) u largua nga salla plenare në fillim të debatit.

• Mbi 70 kallëzime janë bërë kundër Prokurorit të Përgjithshëm