“Besoj në fuqinë e drejtësisë reale, besoj në procedurat standarde të parlamentit dhe shpresoj që duke i ndjekur ato të arrijmë drejtësi reale. Njëkohësisht nuk do të lejojmë që prokuroria të përdoret si shkop.” Këtë e tha bashkëkryetari i “Po e vazhdojmë ndryshimin”, Kirill Petkov, i cili u paraqit për pyetje në Prokurorinë e Qarkut të Sofjes për rastin e presionit ndaj ish-deputetit të koalicionit Radostin Vasilev. Të martën (30 maj) në prokurori me të njëjtin rast u mor në pyetje edhe bashkëkryetari tjetër i formacionit, Asen Vasilev. Petkov tha se nuk ka “besim të madh në prokurori” dhe se ajo mban “pozita mjaft të forta politike”. Ai komentoi gjithashtu se mbeti “i hutuar nga gjërat që u thanë” dje në parlament. “Dua të them shumë qartë se Vesella Çerneva është një nga këshilltaret më të ndërgjegjshme që kam pasur, një nga njerëzit që me të vërtetë beson se Bullgaria mund të jetë një vend normal evropian”, tha Petkov.

• Prokuroria merr në pyetje drejtuesit e PP-së për kërcënime ndaj një deputeti
• Një këshilltar i kryeministrit bullgar ka koordinuar qëndrimin bullgar me një qytetar të Maqedonisë së Veriut