“Ne jemi të shqetësuar për atë që po ndodh me financat bullgare dhe veçanërisht me menaxhimin e rezervës fiskale, si dhe me gjendjen dhe sigurinë e Fondit të Argjendtë". Këtë e deklaroi në Kuvendin Popullor Rumen Geçev nga BSP-ja. Sipas tij, nga informacionet e paraqitura nga ministrja e financave Rosica Vellkova, rezulton se nga rezerva fiskale në mars dhe prill u shfrytëzuan gjithsej rreth 4 miliardë leva (rreth 2 miliardë euro). Ai përkujtoi se në rezervën fiskale ekziston një komponent i ndjeshëm - Fondi i Argjendtë, i cili garanton qëndrueshmërinë e sistemit të pensioneve shtetërore dhe tha se BSP mbetet në pritje të një përgjigjeje zyrtare nga ministri i financave se për çfarë u shpenzuan këto mjete.

Mjetet nga Fondi i Argjendtë dhe projektet evropiane janë të disponueshme në rezervën fiskale, thuhet në një njoftim të Ministrisë së Financave. Ai shoqërohet me të dhëna publike për gjendjen e rezervës fiskale dhe stoqet në të ashtuquajturën “Llogari të vetme”, të cilat ruhen në Bankën Kombëtare Bullgare (BNB).