Sot në fshatin Bëllgari në malin Stranxha nderohet festën e Shën Konstantinit dhe Elenës / më 3 qershor, sipas stilit të vjetër / me lojëra tradicionale nestinari. Programi për ditën e së shtunës fillon me ritin e nestinarit në orët e mëngjesit, më pas nga ora 13:00 deri në orën 19:00, do të shfaqjet filmi dokumentar “Gjurmët në zjarr”. Ai shoqërohet me një ekspozitë fotografike të ritit në Qendrën Informative të Vizitorëve "Rruga e Nestinarëve". Më pas vijon një program folklorik koncertesh me pjesëmarrjen e ansamblit "Carevo" në Bibliotekën "Georgi Kondollov 1914", dhe më vonë në orën 21:30 fillojnë lojërat e vërteta të nestinarëve. Të nesërmen, më 4 qershor, në orën 10:00, është planifikuar ecja me ikonat drejt zonave “Ajazmoto” dhe “Odera” të “Shën Elenës” me daulle dhe gajde.
Bulgari është një nga fshatrat e paktë ku tradita e nestinarëve është ruajtur në formën e saj autentike edhe sot e kësaj dite. Çdo vit, në ditët e para të qershorit, fshati gjallërohet me ritualin spektakolar të nestinarëve dhe kërcimin në ekstazë mbi prush, nën tingujt e daulles së nestinarëve. Kështu nderojnë banorët e Bulgarevës shenjtorët Konstantin dhe Elena, mbrojtësit e fshatit të tyre.
Historianët e lidhin ndezjen e zjarrit me praktikat e lashta pagane, duke nderuar kultin e Diellit. Për shkak të veçantisë së tij, rituali është përfshirë në listën e UNESCO-s të trashëgimisë kulturore jomateriale.
Popullariteti i fshatit Bëllgari në malin Stranxha si një rojtar i lojërave autentike të nestinarëve po rritet gjithnjë e më shumë. Në fshat ka disa shtëpi për akomodim, por është mirë që rezervimet të bëhen herët sepse ndonjëherë nuk ka mjaftueshëm vende, paralajmërojnë nga bashkia.
Përgatiti në shqip: Kostandina Bello
Foto: Facebook/selobulgari
Qyteti i vjetër malor i Aprillci pret një nga festivalet më interesante dhe më të shijshme bullgare - Festën e proshutës dhe rakisë së ngrohtë. Në datat 24 dhe 25 shkurt, qyteti malor, i vendosur rrëzë majës së Maragidik, po përgatitet të mirëpresë më..
Shoqata Kulturore Bullgare së bashku me përfaqësues nga Rumania dhe Moldavia organizoi në Bruksel Festën e Martenicës (Verores) që u mbajt më 18 shkurt. Ky është edicioni i dytë kushtuar simbolit të pranverës që bashkon të tre vendet. Në stenda u..
Për herë të parë, Nju Jorku organizoi një klasë të mjeshtërisë në vallet popullore me koreografin tonë të njohur Prof. Dr. Anton Andonov, shef i departamentit "Koreografi" në Akademinë e Muzikës, Valleve dhe Arteve Figurative "Prof. Asen Diamandiev"..