Shkolla bullgare në Southampton të Britanisë së Madhe mban emrin e revolucionarit Vasill Levski, i cili iu përkushtua misionit të popullit për çlirimin e Atdheut. Me rastin e festimit të 150-vjetorit nga vdekja e Apostullit të Lirisë, nxënësit u njohën me fakte jo shumë të njohura nga jeta e tij, ndanë nëpërmjet krijimtarisë emocionet dhe mendimet e tyre dhe shkruan fjalët e tij që nuk kanë vdekur edhe sot: Nëse fitoj unë, fiton i gjithë populli - nëse humbas, humbas vetëm veten time!"
Si mbrojtës i shkollës sonë, imazhi i Vasill Levskit është prezent gjatë gjithë vitit në organizimet tona, thotë drejtoresha Teodora Ivanova. Për të parë nga një sy tjetër – “të huaj” veprën e këtij heroi bullgar, nxënësit marrin pjesë në një orë mësimi kushtuar librit “Apostulli i Lirisë” të shkrimtares britanike Mercia McDermott. “Ata e kuptuan se jo vetëm ne, bullgarët, e shohim Apostullin si hero, por edhe njerëz nga vende të tjera që kanë vizituar Bullgarinë dhe kanë mësuar për jetën e tij, u ka bërë përshtypje dhe më pas kanë shkruar fjalë të mëdha për të”, shton drejtoresha.
Dhe duke qenë se shkolla e kthen çdo festë apo përvjetor bullgar në një rast të veçantë që fëmijët të thellojnë njohuritë e tyre për heroin më të nderuar bullgar, ata krijojnë një ide të tyren për personalitetin dhe cilësitë e tij, të cilat do të donin t’i kishin edhe ata.
“Fëmijët e vegjël mësojnë për Levskin përmes përrallave dhe legjendave dhe në mendjet e tyre formohet imazhi i një heroi shumë të guximshëm – thotë Teodora Ivanova. - Më pas, kur njihen me jetën e tij në historinë e Bullgarisë, del se ky imazh i ndërtuar fillimisht në mëndjet e tyre është absolutisht real. Por gjëja më interesante është se me kalimin e viteve ai është përmirësuar. Kështu, fëmijëve më të mëdhenj u bën përshtypje vetëflijimi për vendin e tij, si dhe idealet dhe fjalët e tij. Ndërsa sipas njërit prej nxënësve tanë Levski erdhi nga parajsa - ndoshta për shkak të mirësisë që ai rrezatonte dhe shfaqte përmes veprave të tij."
Bullgarët nga Southampton iu përgjigjën me gëzim iniciativës së Radio Bullgarisë "Për Levski" me rastin e 150 vjetorit nga vdekja e Apostullit, dhe na dërguan foto dhe video nga orët e tyre mësimore të lidhura me heroin bullgar - shikoni:
“Duke ardhur tek ne, fëmijët nuk mësojnë vetëm gjuhën – thotë drejtoresha. - Ata krijojnë miqësi, njohin mënyrën e jetesës dhe kulturën e popullit bullgar.
Fatkeqësisht, gjithnjë e më shpesh në shkollë vijnë fëmijë të cilët kanë vështirësi të flasin në gjuhën e tyre amtare.
“Shumica e fëmijëve që vijnë tek ne kanë lindur në Britaninë e Madhe – shton Teodora Ivanova. - Ata kalojnë pjesën më të madhe të kohës në një shkollë angleze, ku krijojnë miqësi dhe komunikojnë kryesisht në anglisht. Sigurisht, prindërit përpiqen të ruajnë gjuhën bullgare në familje - ata flasin, u lexojnë fëmijëve libra në bullgarisht. Ne vetë kemi një iniciativë që fëmijët të shkëmbejnë librat që janë blerë nga shkolla, për t'i stimuluar në këtë drejtim. Me kalimin e kohës ata e përmirësojnë pak gjuhën, por fatkeqësisht mjedisi që i rrethon mbizotëron dhe theksi anglez ndihet në të folurën e tyre.”
Një fakt interesant, sipas Teodora Ivanovës, është përfshirja e prindërve. Përveç organizimit të pazareve dhe aktiviteteve të ndryshme, ata janë gjithmonë të gatshëm të vijnë në ndihmë për ta bërë shkollën një vend tërheqës për fëmijët. “Ne jemi lojtarë të së njëjtës sluadër dhe kjo është shumë pozitive për zhvillimin e të gjithë komunitetit bullgar në qytet”, thekson drejtoresha.
Lexoni më tepër:
Përgatiti në shqip: Kostandina BelloFoto: Shkolla bullgare në Southampton
Popullsia e riprodhimit të lejlekëve të bardhë - një nga zogjtë më të dashur në vendin tonë - është rritur me 33 për qind në vitet e fundit, sipas të dhënave nga një regjistrim ndërkombëtar i cituar nga BGNES. Sipas rezultateve, në Bullgari janë..
Gazetari investigativ bullgar Hristo Grozev mori çmimin e tij si Gazetari Evropian i Vitit në një ceremoni zyrtare në Berlin. Ai ishte një figurë kyçe në kërkimin e ish-menaxherit të Wirecard, Jan Marsalek, në Moskë, si dhe në zbulimin e një numri..
Një interes rekord është treguar nga bashkatdhetarët tanë jashtë vendit për programin "Unë Zgjedh Bullgarinë" të Ministrisë së Punës dhe Politikës Sociale. Kjo u raportua në një seancë dëgjimore në Komitetin parlamentar për Politikat për Bullgarët..
Hapësira virtuale, në të cilën mund të gjeni informacion për restorantet bullgare në territorin e Berlinit, shërbimet që ofrojnë bashkatdhetarët tanë –..
Si të ruhet dhe mirëmbahet besimi i publikut në media - kjo është tema qendrore për pjesëmarrësit në Konferencën Vjetore të Shoqatës Ndërkombëtare të..
Instituti për Shkencat Kompjuterike, Inteligjencën Artificiale dhe Teknologjitë (INSAIT) pranë Universitetit “Shën Klimenti i Ohrit” njoftoi lansimin e..