Ministri në detyrë i punëve të jashtme Ivan Kondov ia dorëzoi postin zëvendëskryeministres së re dhe ministre të punëve të jashtme Maria Gabriel. Në një ceremoni zyrtare në ministri, Kondov tha: “Jam jashtëzakonisht i lumtur që kam nderin të mirëpres një profesioniste dhe eksperte të tillë si Maria Gabriel”.

Maria Gabriel falënderoi Ivan Kondov për bisedën e frytshme që patën para ceremonisë. Ajo shtoi se do të konsultohet dhe do të mbështetet në përvojën e diplomatëve në dikaster. “Është një nder për mua që mund të mbështetem në ekspertizën, përvojën dhe dëshirën tuaj, që të gjithë së bashku të mbrojmë vendin dhe rolin e vendit tonë në BE dhe në botë. Le t’i kthejmë sfidat në mundësi”, kërkoi Gabriel.