"Dënoj fuqishëm sulmin ndaj digës “Nova Kahovka”, i cili rrezikon shumë civilë, përbën një rrezik serioz për mjedisin dhe kërcënon sigurinë e termocentralit bërthamor “Zaporozhie”. Ata që janë përgjegjës për këtë akt të egër duhet të mbajnë përgjegjësi." Këtë e shkroi në Twitter presidenti Rumen Radev.

Këshilli i Sigurimit i OKB-së konstatoi se është absolutisht e qartë se muri i digës në pjesën e kontrolluar nga Rusia të rajonit Herson u shkatërrua nga një shpërthim në dhomat e makinerive të Hidrocentralit. Kievi akuzon Rusinë se hodhi në erë objektin për të shkaktuar një përmbytje të madhe dhe për të ndaluar kundërofensivën ukrainase. Moska thekson se trupat ukrainase qëlluan objektin me raketa. Mijëra civilë në zonën e armiqësive vuajnë dhe nuk mund të evakuohen.