Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Bajkanxhii 2023" përkon me hapjen e parkut të ri të qytetit në Aprillci

7
Foto: Bajkanxhii

Më 10 qershor 2023 në një prej qyteteve më të gjata bullgare Aprillci (Bullgaria Qendrore Veriore) do të zhvillohet gara vjetore e biçikletave malore. Turi ekstrem i çiklizmit kombinon garën me njohjen e natyrës së bukur të Ballkanit Qendror. Përveç një sfide fizike, aventura e çiklizmit do të ofrojë edhe një herë pamje të jashtëzakonshme të kreshtave malore, ajër të pastër dhe pyje të dendura ahu.

Rrugët e çiklizmit janë të shumëllojshme, kalojnëpërmes rrugëve të zeza, shtigjeve pyjore, livadheve, ka edhe seksione asfalti.

Tradicionalisht, gara e çiklizmit zhvillohet në fillim të verës dhe me të hapet sezoni aktiv në rajon, i cili është i njohur si destinacion për turizmin malor dhe alternativ.

Mesazhi i këtij viti është mbrojtja e mjedisit. Prandaj, pjesëmarrësve u kërkohet të mos e ndotin natyrën me plastikë dhe produkte të tjera.


Krahas aktiviteteve të çiklizmit, “Bajkanxhii 2023” ka përgatitur edhe një program kulinarie. Garuesit dhe të ftuarit do të jenë në gjendje të shijojnë produkte të pjekura në shtëpi, shije krokante prej kakaoje dhe çokollatë të nxehtë, si dhe birrë artizanale të prodhuar në vend. Pjesëmarrësit do të marrin suvenire origjinale, dhe organizatorët premtojnë se do t’i mbeten besnikë stilit të vet dhe pas përfundimit të konkursit do të ketë shumë muzikë dhe kërcime!


Festa do të mbahet në parkun e ri në lagjen Ostrec të Aprillci. Kjo do të jetë edhe hapja zyrtare e tij. Parku ndodhet pranë sheshit, buzë lumit, në një sipërfaqe prej 10 hektarësh. Ka një fushë sportive shumëfunksionale - për futboll, volejboll, basketboll dhe tenis, kënde lojërash. Festa do të mbyllet me mbrëmjen tradicionale të DJ-vе pranë pishinës së një prej hoteleve të qytetit.

Shikoni gjithashtu:

Përpiloi: Veneta Nikollova

Përgatiti në shqip: Vesella Mançeva

Foto: Bajkanxhii



Последвайте ни и в Google News Showcase, за да научите най-важното от деня!

Më shumë nga rubrika

Burimi “Loti i Vashës” – qyteti Hisarja

Pas qendrës balneare Hisarja, edhe Kjustendili do të kërkojë njohje si një pushimore termale evropiane

Hisarja është qyteti i parë bullgar që u bë pjesë e Shoqatës Evropiane të Qyteteve Historike Termale, raportoi BTA. Kryetarja e bashkisë, Iva Vëllçeva, e shpalli këtë lajm gjatë Kongresit të 12-të vjetor të Bashkimit Bullgar për Balneologji dhe..

botuar më 25-09-10 10.04.PD

Carevo dhe qytetet turistike përreth marrin frymë me ritmin e verës edhe gjatë shtatorit

Bregdeti ynë jugor i Detit të Zi vazhdon të presë qindra mijëra pushues edhe pas kulmit të sezonit turistik. Në fillim të shtatorit qytetet turistike ende marrin frymë me ritmin e verës, ndërsa bashkia bregdetare Carevo është përplot me turistë –..

botuar më 25-09-10 7.00.PD

Heraklea Sintika – qyteti antik që lidh natyrën dhe shkencën

“Heraklea Sintika është një trashëgimi natyrore dhe shkencore me rëndësi botërore!” – thekson Katja Stojanova, drejtoreshë e Muzeut Historik në Petriç dhe drejtuese e projektit “Restaurimi, konservimi, ruajtja, popullarizimi dhe zhvillimi i..

botuar më 25-09-08 8.20.PD