Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Të takohemi "Në të Gjelbër" në parkun Bedeçka

Foto: Facebook/ Запазете Бедечка

Me një emër provokues, por me një kauzë popullore - për të treguar se si interesi publik për më shumë gjelbërim në qytete nuk bie gjithmonë në kundërshtim me interesin e investitorit, këtë mesazh përcjell festivali "Në të Gjelbër" nga 15 deri më 18 qershor në parkun "Bedeçka" të Stara Zagorës.

“Të premten dhe të shtunën (16-17.06) në skenën e parkut do të performojnë disa grupe nga Stara Zagora, fyelltari Teodosij Spasov dhe DJ Ivan Shopov. Po planifikojmë punishte për mbrojtjen e natyrës dhe shpendëve, gjithashtu grafite, joga e shumë të tjera, së bashku me një festival filmi, të organizuar me ndihmën e Fondit Kombëtar "Kulturë", - tregon sociologu Përvan Simeonov, i cili është i lidhur me eko kauzën në vendlindjen e tij Qytetin e Blirit. - Më 15 qershor prezantojmë nismën tonë “Takime Urbanistike”, ku flasim për energjinë që nxiti zhvillimin e lagjeve krijuese dhe festivaleve në të gjithë vendin. Në të do të shqyrtojmë pengesat për zhvillimin e kauzave të gjelbra në vendin tonë dhe sesi shteti mund të jetë partner dhe jo rival në realizimin e tyre”.

Zonat e gjelbra janë “mushkëritë” e çdo vendbanimi. Kjo është arsyeja pse zhvillimi dhe mirëmbajtja e tyre janë thelbësore për të siguruar një mjedis urban më të organizuar për banorët e tij. Fatkeqësisht, interesi privat mbizotëron shpesh mbi këtë interes publik dhe territoret që mund të cilësohen si parqe tek ne po bëhen gjithnjë e më pak. Një shembull i mirë i një zone të tillë të ruajtur është rreth 300 hektarë, pjesë e parkut "Bedeçka" në Stara Zagora. Për të marrë vendim në lidhje me fatin e kësaj pjese të parkut, e cila mbulon një sipërfaqe totale prej 1000 hektarësh, në vitin 2017 u mbajt një nga referendumet e pakta vendore në Bullgari.

“Dihet se në referendume të tilla vështirë se arrihet të detyrohet bashkia të respektojë vendimin e marrë prej tyre - shpjegon Përvan Simeonov për Radio Bullgarinë. “Megjithatë, merita i takon bashkisë vendore, dhe kryetarit Zhivko Todorov, pasi ai e pranoi këtë referendum, pasi rreth 20 000 njerëz iu përgjigjën qartë me “Po” një pyetjeje komplekse – nëse do të dëmshpërblehen pronarët e tokave në park, në mënyrë që të mundet parku të shpëtohet. Fal kryebashkiakut u ndryshua plani i përgjithshëm i zhvillimit të qytetit, me të cilin terenit iu rikthye statusi i parkut”.

Përvan Simeonov

Problemi i pronësisë private mbi tokat që janë pjesë e parqeve apo edhe hapësirave midis pallateve në një sërë qytetesh në vendin tonë ka mbetur një problem serioz dhe i pazgjidhur prej dekadash. Ndër vite janë diskutuar propozime të shumta lidhur me lehtësimin e taksave për këta pronarë apo krijimin e një fondi nga i cili do të kompensohen ata, por në nivel kombëtar ende nuk është parashikuar një mundësi e tillë.

Përgatiti në shqip: Kostandina Bello

Foto:  Facebook/ Запазете Бедечка, Facebook/ Аrt Collective On The Street




Последвайте ни и в Google News Showcase, за да научите най-важното от деня!

Më shumë nga rubrika

Ministria e Mjedisit dhe e Ujërave: Digat janë në nivele kritikisht të ulëta, por nuk janë shkaku i mungesës së ujit

Verë, temperatura të larta, gjendje pushimi. Por për fat të keq me verën nuk vijnë vetëm emocione pozitive, por edhe probleme reale dhe shumë serioze. Kështu, për shembull, gjatë vitit të kaluar 2024, mbi 400 vendbanime në të gjithë Bullgarinë, ndër të..

botuar më 25-06-27 8.00.MD
Rektorja e Universitetit të Ruses, doc. Desisllava Atanasova dhe Drejtori i Përgjithshëm i BNR, Milen Mitev

Ura drejt bullgarëve në Moldavi: Radioja Kombëtare Bullgare do të bashkëpunojë me Universitetin e Ruses në Taraklia

Radioja Kombëtare Bullgare (BNR) dhe Universiteti i qytetit Ruse do të jenë partnerë në aktivitetet kulturore dhe arsimore në degën e sapohapur të universitetit në Taraklia, Moldavi. Kjo u bë e ditur pas një takimi midis drejtuesve të të dy..

botuar më 25-06-27 3.51.MD

Ekzaminime mjekësore falas për bullgarët në Gollobordën e Shqipërisë

Për të dytin vit radhazi, Kolegji Mjekësor i Universitetit Trak në Stara Zagora (Bullgaria Jugore) po organizon ekzaminime mjekësore falas në Shqipëri. Një ekip prej 22 specialistësh është duke punuar nga 26 deri më 28 qershor 2025 me pacientë në..

botuar më 25-06-26 7.45.MD