Shteti do të ndihmojë prodhuesit e drithërave për të gjetur treg, njoftoi për BNR ministri i bujqësisë Kirill Vëtev.

“Monitorojmë ankandet ku ka konsumin më të lartë të drithërave në mënyrë që të kërkojmë eksporte. Do të bëjmë përpjekje maksimale”, shpjegoi ministri. Sipas tij, në depot ruhet deri në 60% më shumë drithë se në të njëjtën periudhë të vitit 2022.

• Pavarësisht të korrave të mira të pritura, prodhuesit e drithërave do të jenë me humbje

Vëtev theksoi se ka shumë importe dumping të qumështit pluhur dhe qumështit më të lirë. “Nuk ka shkop magjik” për të zgjidhur menjëherë problemet e blegtorisë, pranoi ai. Si një prioritet ai përcaktoi kooperimin në sektor dhe orientimin e prodhimit te tregu e jo drejt subvencioneve.

Ministri mohoi akuzat se kërcënoi të jepte dorëheqjen që në fillim të mandatit të tij.

• Priten masa urgjente nga qeveria e re për të shpëtuar bujqësinë