Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Grupi BTR me shfaqje verore në skenat e hapura të vendit

Foto: Facebook / teatarvtarnovo

Me një koncert në qytetin Veliko Tërnovo sonte fillon turneu veror “Mjuzikëll dhe Rok” i muzikantëve të formacionit BTR. Koncerti është me pjesëmarrjen e Teatrit të Muzikës dhe Dramës “Konstantin Kisimov” me dirigjent Georgi Patrikov.

Në pjesën e parë, muzikantët rok prezantojnë fragmente të mjuzikaleve të dashura së bashku me orkestrën e teatrit. Në pjesën e dytë spektatorët mund të dëgjojnë këngët e përjetshme të grupit BTR në orkestrim për grupin rok dhe orkestrën simfonike. Projekti i përbashkët muzikor “Mjuzikëll dhe Rok” i BTR dhe i Teatrit Muzikor në qytetin Veliko Tërnovo filloi një vit më parë. Deri më tani u prezantua me shumë sukses në 20 qytete bullgare dhe koncertet u duartrokitën nga mbi 8000 njerëz. Këtë verë koncertet përfshijnë skenat e hapura në të gjithë vendin.

Kohët e fundit BTR incizoi një tjetër këngë të 5-të në albumin “Puzzle”. Ajo mban të njëjtin emër dhe është në një version akustik. Krahas kësaj është edhe muzika shoqëruese e komedisë në seri  “Jeta e Zhoros”. Në sheshin e xhirimit të filmit u takuan babai dhe vajza - vokali i grupit BTR Nasko Penev dhe aktorja Martina Peneva, së cilës iu besua roli kryesor në filmin muzikor. Videoja është tërësisht me pamje nga filmi dhe me interpretuesit e versionit akustik të këngës “Puzzle” - Nasko dhe Sllavço, i cili është autor i muzikës dhe i tekstit të këngës. Regjisori i filmit dhe videos është Ljusi Illarionov.


Kënga “Puzzle” nga albumi i 13-të i grupit do të tingëllojë edhe në një version të tretë më 13 tetor, në koncertin kushtuar 30-vjetorit të grupit BTR. Në të djemtë e grupit do të prezantohen prapë së bashku me orkestrën simfonike të Teatrit të Muzikës dhe Dramës “Konstantin Kisimov”. Në këtë koncert, për herë të parë, këngët nga historia 30-vjeçare e grupit do të tingëllojnë në aranzhime të reja, të përshtatura për grupin rok dhe orkestrën simfonike.

Redaktore: Diljana Traçeva

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

ALMA dhe kënga e saj e parë solo në gjuhën bullgare – “Më thuaj që është ëndërr”

Këngëtarja e re, por tashmë e afirmuar, ALMA e pret vjeshtën me publikimin e këngës së saj të parë solo në gjuhën bullgare – “Më thuaj që është ëndërr”. Autorë të muzikës janë vetë ALMA dhe Vasill Ivanov – Dexter. Për krijimin e tekstit, i cili trajton..

botuar më 25-09-25 6.10.PD
Foto: Facebook/Maria Mutafçieva - Mary

Një seri koncertesh vjeshte nga “Mary Boys Band” dhe një këngë e re - "Djali im"

“Mary Boys Band “- grupi që këndoi ndërrimin e verës me vjeshtën - po përgatit një seri koncertesh dhe po prezanton një këngë të re, "Djali im". Të enjten, më 25 shtator, në studion e koncerteve të Radio Varnës në orën 19:00, Maria..

botuar më 25-09-24 1.45.MD

Nina Nikolina me rrëfim dhe dashuri për farefisin dhe atdheun

Gjithmonë e angazhuar me projekte të shumta, Nina Nikolina e pret vjeshtën me disa ngjarje të rëndësishme: një këngë të re, një album dhe një koncert-premierë për prezantimin e albumit. Këngëtarja shënon rikthimin e saj në muzikën pop me albumin e ri..

botuar më 25-09-23 10.14.PD