Në takimin në Bruksel me Sekretarin e Përgjithshëm të NATO-së, kryeministri Nikollaj Denkov theksoi se shpenzimet bullgare për mbrojtjen në vitin 2023 do të jenë 1.9% të PBB-së, ndërsa në vitin 2024 do të arrijnë në 2%, që është kërkesë në aleancë.

“Vendi juaj ka një rol jashtëzakonisht të rëndësishëm në reagimin tonë kolektiv. Që nga fillimi i luftës dhe agresionit rus kundër Ukrainës, Bullgaria merrë pjesë aktive në mbrojtjen e NATO-së në Detin e Zi. Në Ballkanin Perëndimor, trupat bullgare po marrin pjesë aktive në misionin për të ruajtur rendin në Kosovë. Ju gjithashtu kontribuoni në mbrojtjen e hapësirës sonë në Ballkan. Ne e vlerësojmë shumë rolin tuaj. Ne vazhdojmë t'ju mbështesim nga toka, deti dhe ajri. Ne kemi rënë dakord për një lloj të ri modeli rrotullues për mbrojtjen ajrore dhe raketore që të jemi në gjendje të mbrohemi nëse është e nevojshme”, theksoi Stoltenberg. Ai shtoi se “pret që Bullgaria të marrë një angazhim për një investim më ambicioz në mbrojtje, i cili do të vendoset në samitin në Vilnius”.