Me softuer të përditësuar, kamerat e policisë në Sofje tashmë automatikisht do të zbulojnë kalimin e shoferëve në semaforin e kuq dhe do të vendosen gjoba pas zbulimit të targës së regjistrimit, siç është rasti me sanksionet për shpejtësinë, njoftuan shefat e video-kontrollit në Policinë Rrugore. Procesi aktualisht është manual. Një oficer i vëzhgimit me video duhet të shohë shkeljen dhe t’ia përcjellë Policisë Rrugore. Aty e thërrasin shkelësin dhe vetëm atëherë mund ta gjobisin. Me sistemin e ri, shkelësi do të marrë gjobën direkt. Kamerat e reja do të funksionojnë në 51 pika. 36 janë në unazën e kryeqytetit dhe pjesa tjetër në qendër.

Sipas ndryshimeve ligjore të diskutuara në Kuvendin Popullor, Policia Rrugore do të ketë akses edhe në kamerat e vëzhgimit të bashkisë, të cilat janë dhjetëfish më të shumta dhe edhe ato do të përdoren për vendosjen e gjobave.