Kryetari i Bashkimit të Mjekëve Bullgarë, Dr. Ivan Maxharov, i shprehu BNR-së miratimin e tij për prioritetet e shpallura nga ministri i ri i shëndetësisë, Prof. Hristo Hinkov - për të ndalur zgjerimin e pakontrolluar të rrjetit shëndetësor të spitaleve dhe për të zvogëluar pagesat shtesë që bëjnë pacientët. Sipas Dr. Maxharov  Bullgaria ka përqindjen më të lartë të pagesës për barnat në BE krahasuar me paratë e ndara për kujdesin shëndetësor. Përqindja mesatare në BE është 15 për qind, ndërsa në Bullgari pagesa për barna është pothuajse 45 për qind e të gjitha shpenzimeve shëndetësore. Kjo disbilancë duhet të korrigjohet”, kërkoi Dr. Maxharov. Ai komentoi se nuk është e rëndësishme vetëm sa ndahet nga buxheti për shëndetësinë, por edhe se si shpërndahet ky resurs.