Nxënësit më të mirë bullgarë të biologjisë fituan tre medalje në Olimpiadën Ndërkombëtare të Biologjisë në Emiratet e Bashkuara Arabe, njoftoi Shoqata e ekipeve olimpike në shkencat natyrore. Ata konkurruan me 320 kolegë nga 80 vende dhe duhej të zgjidhnin detyra teorike dhe praktike në fushat e bioinformatikës, biologjisë molekulare, biokimisë dhe ekologjisë.

Petër Zhotev, maturant në Gjimnazin Matematikor të Sofjes, i pranuar në Kembrixh, fitoi medaljen e artë, Viktor Lillov, gjithashtu nga Gjimnazi Matematikor, mori argjendin, dhe Viktorija Ivanova nga Gjimnazi Matematikor në Pleven fitoi medaljen e bronztë. Pjesëmarrësja jonë e katërt - Jana Atanasova nga Shkolla e Mesme Kombëtare për Shkenca Natyrore dhe Matimatikore, nuk arriti të fitojë vetëm disa pikë që ta marrë çmimin.

Bullgaria është një nga gjashtë vendet themeluese të olimpiadës në vitin 1989. Deri më tani, pjesëmarrësit tanë i kanë sjellë vendit tonë gjithsej 78 medalje - 9 medalje ari, 16 argjendi dhe 53 bronzi, si dhe 8 certifikata nderi.