Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Zëri i shqiptarëve nëpër botë

| rinovuar më 23-07-16 6.50.MD
Foto: BNR

Këtë vit, Lidhja e Shkrimtarëve të Bullgarisë feston 110 vjetorin e themelimit. Kjo është sindikata më e vjetër e shkrimtarëve në Evropë, e themeluar më 8 shtator 1913, kryetar i parë i së cilës ishte Ivan Andrejçin ndërsa disa vjet më vonë Ivan Vazov u ftua të bëhej kryetar nderi. Lidhja e Shkrimtarëve aktualisht ka 850 anëtarë të cilët janë autorë bashkëkohorë që punojnë në të gjitha zhanret. Në lidhje me përvjetorin e saj, këtë vit po mbahen takime të ndryshme ndërkombëtare. Një prej eventeve, të drejtuar nga kryetari i Lidhjes së Shkrimtarëve të Bullgarisë, Bojan Angellov, që u zhvillua në Galeri-Librarinë “Sofia Press” me pjesëmarrjen e shumë kolegëve bashkëkohorë, shkrimtarë, poetë, të cilët morën pjesë në një recital, pati edhe tre të ftuar specialë. Ata ishin Sokol Demaku, Hamit Gurguri dhe Bahtir Latifi. Tre shkrimtarë me origjinë shqiptare, të cilët i dhuruan një atmosferë edhe më të bukur eventit.

Ata kanë lindur në Kosovë, por jetojnë dhe punojnë në qytetin Borås të Suedisë. Puna e tyre, dashuria për artin e letërsisë dhe atdheun i ka bashkuar. Prej vitesh merren me aktivitete të shumta kulturore dhe letrare, si dhe ndihmojnë për zhvillimin e letërsisë shqipe jashtë vendit.

Qendra Kulturore “Migjeni” në Borås në Suedi, e krijuar më 10 mars 2007, ka qenë dhe vazhdon të jetë një mbështetje e madhe për shqiptarët jashtë vendit. Që në atë kohë Qendra merret me aktivitete të shumta të cilat kanë vlerë për ruajtjen dhe kultivimin e gjuhës, kulturës dhe traditës shqiptare në mërgim. Në prill të vitit 2007 ka filluar edhe botimi i revistës “Dituria” në gjuhën shqipe, e cila botohet një herë në muaj. Nuk duhet harruar gjithashtu edhe Programi i Radios në gjuhën shqipe që mban gjallë zërin shqip në Suedinë e largët.

Së shpejti pritet të botohet edhe një Antologji në tre gjuhë: shqip, bullgarisht dhe suedisht dhe do të përfshijë poetë nga të treja vendet.

Aktivitet e tre shkrimtarëve shqiptarë dhe meritat e tyre janë të shumta, ndaj kemi përgatitur një intervistë për ju, në të cilën mund të dëgjoni më tepër për jetën, veprimtarinë e tyre, Qendrën Kulturore “Migjeni”, aktivitet e ndryshme të cilat ata kanë zhvilluar. Mund të dëgjoni më tepër për ardhjen e tyre në Bullgari, përshtypjet e tyre si dhe planet e tjera që priten në të ardhme.

Këta artistë falë punës së tyre të palodhur, dashurisë së tyre për artin, letërsinë dhe mbi të gjitha për atdheun, kanë arritur të kapërcejnë kufijtë e shteteve dhe kanë arritur të krijojnë një urë lidhëse midis popujve. Ata vërtetojnë më së miri se kilometrat nuk kanë rëndësi, për aq kohë sa zemra rreh për atdheun.

Foto: Kostandina Bello





Последвайте ни и в Google News Showcase, за да научите най-важното от деня!

Më shumë nga rubrika

Summer Vibes Festival viziton sërish Vidinin

Qyteti Vidin për të pestin vit radhazi është nikoqir i Summer Vibes Festival. Në datat 1 dhe 2 qershor pranë kalasë “Baba Vida” (“Gjysha Vida”) , fëmijët do të zbulojnë një mënyrë më të shëndetshme dhe jo më pak interesante për t'u..

botuar më 24-06-01 7.45.PD

Nënpresidentja Ilijana Jotova kritikoi ngrirjen e ligjeve për kulturën bullgare

Një nga shembujt e shpërfilljes së trashëgimisë kulturore dhe historike nga shteti është shtëpia e Dimitër Talevit në Prilep (shkrimtar i njohur bullgar – shënimi red.). Nga qershori 2023 ka një vendim të Këshillit të Ministrave që shteti ta..

botuar më 24-05-30 10.12.PD

Sofja mirëpret mysafirë në Shtëpinë e Letërsisë dhe Përkthimit

Përkthyesit Jan Mahei (Republika Çeke), Elvira Bormann (Gjermani), Hanna Sandborg (Suedi), Hanna Karpinska (Poloni) dhe Livia-Maria Nistor (Rumani) do të jenë rezidentë deri në tetor në Shtëpinë e Letërsisë dhe Përkthimit. Shtëpia është një projekt..

botuar më 24-05-29 11.07.PD