Një 39-vjeçar u akuzua se kërcënoi me vrasje ministrin e mbrojtjes Todor Tagarev. Prokuroria e Qarkut të Sofjes njoftoi se më 4 korrik, një person me iniciale G. D. dërgoi një mesazh kërcënues në profilin personal të ministrit në Facebook. Drejtoria për Luftë kundër Krimit të Organizuar konstatoi se profili nga i cili u dërgua kërcënimi është krijuar dhe përdorur nga i akuzuari.

Shkak i kërcënimit të bërë nga i papuni Grigor Dimov është mbështetja e Tagarev për Ukrainën, e cila po sulmohet nga Rusia. Burri ishte i dënuar më parë për një krim tjetër, por ishte i rehabilituar. Dimov me vendim të prokurorit u ndalua për 72 orë dhe prokuroria do t’i kërkojë gjykatës ta mbajë në paraburgim të përhershëm.