Një festival i vërtetë për të ringjallur antikitetin zhvillohet në vendin e amfiteatrit antik pranë Muzeut të Mozaikëve në qytetin e Devnja. Quhet "Marcianopol - jeta në qytetin antik" dhe synon të rikrijojë të gjitha aspektet e jetës në një nga 20 qytetet më të mëdha romake që lulëzoi 17-18 shekuj më parë.

• Perënditë i thanë Perandorit Trajan se ku mund të ndërtonte Marcianopol

Marcianopol është i njohur si një nga qytetet më mbresëlënëse të Romës së Lashtë në kulmin e saj. Në territorin e tij, u zbuluan grumbullimet më të mëdha të monedhave të argjendit të gjetura në një vend - më shumë se 100 mijë, dhe madje për një kohë të shkurtër u bë kryeqyteti i Perandorisë Romake dhe mori rolin e qendrës së botës së lashtë.

• Thesari i artë i Marcianopolit tregon histori

Festivali kushtuar jetës në qytetin antik zhvillohet më 22 korrik dhe në të marrin pjesë grupe për rishfaqje historike nga Bullgaria dhe jashtë saj. Ata do të tregojnë luftime gladiatorësh, ekzekutim dënimesh, gjellë romake, demonstrata me kuaj, procesionet dhe jetën e popujve që banuan në territorin e Devnjas së sotme shekuj më parë. Hyrja është falas, dhe në mbrëmje festivali antik do të përfundojë me një koncert rock nën yje.

Përpiloi: Gergana Mançeva

Përgatiti në shqip: Vesella Mançeva

Foto: Facebook/ancientmarcianopol