Akademia e parë për barinjtë e quajtur “Në vathat Todorovi” bashkoi ata që dëshirojnë të mësojnë zanatin e bariut, zakonet e harruara tradicionale, praktikat dhe njohuritë e reja rreth blegtorisë, njofton BTA. Më shumë se 20 kandidatë barinj dhe 8 fëmijë mësuan për historinë e racave autoktone në Bullgari, duke bërë vatha, duke kullotur, duke mjelë kafshët dhe duke pastruar kullotat. Trajnimi bëhet me një tufë të përzier delesh Karakaçane dhe dhish flokëgjatë malore. Ata u kultivuan që në kohën e trakëve, ruajtën natyrshëm shenjat e paraardhësve të tyre të egër dhe janë rezistente ndaj kushteve të vështira malore, kanë imunitet të fortë ndaj sëmundjeve. Racat luajnë një rol të rëndësishëm në ruajtjen e ekuilibrit në ekosistemin e rajonit të malit Pirin. Ekzistenca e tyre sot është shenjë e ruajtjes së diversitetit gjenetik kombëtar, theksojnë organizatorët.