Në përgjigje të një pyetjeje të guvernatores rajonale të Jambolit, Biljana Kavallxhieva, ministri i mbrojtjes, Todor Tagarev, deklaroi se nuk ka plane për të hapur një bazë të NATO-s pranë qytetit të Jambolit (Bullgari Juglindore).

Shkak për pyetjen është protesta e organizuar mbrëmë dhe mbledhja e iniciuar e nënshkrimeve kundër ndërtimit të bazave të NATO-s në divizionet në Kabile dhe Bezmer afër Jambolit. Aksionet protestuese u organizuan nga struktura lokale e koalicionit “Levica” (“E majta”).

Ministri Todor Tagarev në përgjigjen e tij për guvernatorеn e rajonit thekson se aktualisht janë duke u analizuar mundësitë për vendin ku do të vendoset grupi luftarak shumëkombësh. Tagarev tërheq vëmendjen për përfitimet e vendosjes së grupit të betejës shumëkombëshe në zonën përkatëse, duke përfshirë tërheqjen e investimeve të konsiderueshme në rrugë, kanalizime, infrastrukturë, përmirësimin e klimës së biznesit, hapjen e vendeve të reja të punës.

• Partitë e majta në Jamboll po protestojnë kundër strukturave aleate të NATO-së