Biznesmeni Aleksej Petrov u gjet i vrarë me armë zjarri në lagjen “Dragalevci” të kryeqytetit. Këtë e konfirmuan për BNR burime nga Ministria e Brendshme. Në vendngjarje kishte edhe një grua, e cila gjithashtu u qëllua me armë zjarri. Ajo u dërgua në spital në gjendje të rëndë. Sipas të dhënave fillestare, të dy u qëlluan me pushkë. Të dy ecën në Vitosha, me tre roje sigurie, sipas të dhënave të Ministrisë së Punëve të Brendshme. Petrov shpesh bënte kalime të tilla.

I lindur në vitin 1962, Petrov është një ish-beretë nga Skuadra Speciale Kundër Terrorizmit. Pasi la beretat, iu drejtua biznesit privat. Ai njihet si pronar i kompanive të sigurimit, edhe si themeluesi i shoqërisë së sigurimit të forcës “Apollo dhe Bollkan” në vitet 90-të të shekullit ti kaluar. Ai ishte i pandehur në procesin kundër grupit kriminal “Oktapod”, i angazhuar në shantazh dhe zhvatje, por më pas u shpall i pafajshëm.

Petrov ishte edhe këshilltar i kryetarit të Agjencisë Shtetërore “Siguria Kombëtare” në vitet 2008-2009, ndërsa për një kohë ishte edhe mësues në Universitetin e Ekonomisë Kombëtare dhe Botërore.

Më 14 gusht 2002, kundër Aleksej Petrov u krye një atentat i pasuksesshëm, në të cilin u qëllua në gjoks dhe në këmbë. Më 29 tetor 2015 kundër tij u bë sërish një sulm i pasuksesshëm me granatahedhës.

• Operacioni “Oktapod” shthur rrjetin mafioz
• Në Bullgari ende ka mosbesim ndaj sistemit gjyqësor