Që nga viti 2000, në vendin tonë janë mbyllur 987 shkolla, sipas një raporti të Ministrisë së Arsimit dhe Shkencës. Arsyeja më e zakonshme për këtë është zvogëlimi i numrit të studentëve në to. Megjithatë, ekziston edhe prirja e kundërt - drejt ringjalljes së shkollave të vjetra që u mbyllën vite më parë. Një shembull i një lulëzimi të tillë mund të gjendet në komunën e Gorna Malinës, afër Sofjes, ku në fshatin Osoica, një ekip njerëzish të guximshëm dhe të motivuar po i jep një jetë të re ndërtesës së shkollës lokale, e cila ka mbetur bosh prej kohësh. Dhe kështu, prej një viti në oborr dhe korridoret e saj, dëgjohet sërish zhurma e gëzuar e fëmijëve.
“Është ndërtuar në vitin 1930 nga refugjatët bullgarë pas kryengritjes së Kresnës dhe Razllogut. Ata u vendosën në fshatin Osoicadhe ai gradualisht u rrit - Tatjana Zaharieva, drejtoresha e shkollës së ringjallur, na kthen në histori. - Si rilindës, njerëzit vendosën se shkolla e re ishte gjëja më e rëndësishme, ndaj kryetari i atëhershëm i bashkisë mori një kredi të veçantë. Dizajneri u bë një arkitekt italian, i cili solli me vete dy gurgdhendës italianë që trajnuan gurgdhendës vendas. Në ndërtimin e shkollës morën pjesë të gjithë banorët e fshatit dhe rrethinës. Pjesë e saj është edhe kulla e sahatit, e cila është monument kulture. Kur e pashë objektin, kishte 30 vjet që ishte i braktisur dhe e vetmja gjë që kishte bërë bashkia ishte ndërrimi i çatisë. Gjithçka në këtë godinë është bërë në mënyrë unike, e cila do të lejojë që shkolla të ekzistojë edhe për të paktën 200-300 vjet të tjera”, është e bindur Zaharieva.
Aktualisht shkolla është një nga 10 000 shkollat në 160 vende të akredituara për të punuar në programin ndërkombëtar të Kembrixhit, e cila i ndihmon fëmijët të mësojnë aftësi që do të përdorin gjatë gjithë jetës së tyre. Kjo i mundëson asaj të shkëmbejë eksperiencë me institucione të tjera prestigjioze arsimore dhe të ofrojë një shans për realizimin e të diplomuarve të saj në çdo pjesë të planetit. Përveç programit ndërkombëtar, shkolla punon edhe në atë të Ministrisë së Arsimit dhe Shkencës, me mësim të zgjeruar të gjuhës bullgare, historisë, gjeografisë dhe matematikës.
“Për ne është e rëndësishme që fëmijët të jenë të lidhur me natyrën, të kenë kohë për sport, shëtitje në male, por edhe të kenë një bazë shumë të mirë akademike mbi të cilën mund të shkelin për të ndërtuar të ardhmen përpara tyre”, shpjegoi Tatjana për Radio Bullgarinë. - Ne krijojmë njerëz, mbajmë gjallë imagjinatën krijuese të fëmijëve, në mënyrë që ata të mund të besojnë se mund të arrijnë gjithçka që ëndërrojnë”.
Për këtë kontribuojnë një sërë aktivitetesh jashtëshkollore, ndër to janë klubi teatror, grupi muzikor, gazeta shkollore. Aktualisht po ndërtohet një kuzhinë për ushqim të shëndetshëm, së bashku me konviktet ku fëmijët do të mund të kalojnë natën. Më shumë se 20 mësues - bullgarë dhe të huaj - janë gjithashtu të përfshirë në kauzën e Tatjanës.
“Po, mësuesja e muzikës është nga Kuba. Ajo quhet Irenia Vasquez. Fëmijët e adhurojnë për shkak të dinamikës në klasat e saj. Me ndihmën e saj ata krijuan një këngë për shkollën, me tekstin dhe muzikën e tyre. Ne duam të bëjmë që fëmijët nga i gjithë rajoni i Gorna Malinës të kenë radion e tyre për fëmijë” - Tatjana Zaharieva nuk i fsheh ëndrrat e saj për shkollën dhe rajonin.
Përgatiti në shqip: Vesella Mançeva
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë produktet e tyre. Me suvenire të punuar me dorë do të marrin pjesë edhe Qendra Ditore për të Rriturit..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një ceremoni zyrtare që do të mbahet në tetor. Për çmimin prestigjioz janë nominuar 24 bashkatdhetare..
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një tjetër donacion i madh për komunën shqiptare të Prespës së Vogël është bërë nga Fondacioni “Kujtesa Bullgare” më 14 shtator në fshatin Globoçeni të..
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e..
Emrat e këtij Komisioni Evropian nuk janë më spekulime apo hamendje, por fakt. Struktura gjithashtu dhe ajo që është e qartë është se janë 6..