Në afërsi të fshatrave Mlladinovo dhe Pëstrogor, në rajonin e qytetit Svilengrad, zjarri i madh po rritet dhe tashmë përfshiu 15 mijë dynym tokë, prej të cilave 7 mijë janë masiv pyjor, njoftoi korrespondentja jonë në Haskovo, Dora Atanasova. Mëngjesin e sotëm, guvernatorja e rajonit të qytetit Haskovo, Ginka Rajçeva, bëri të ditur se zjarri është nën kontroll, por me sipërfaqe të shtuar. Një pyll me pisha digjej mbrëmë në orën 23:00. Era ndryshoi drejtimin dhe disa herë zjarri u përhap në rrugë, por u vu nën kontroll nga zjarrfikësit. Për momentin, nuk është e nevojshme të përfshihen helikopterët në shuarje.

Prej ditës së djeshme është në fuqi ndalimi për pastrimin e kullotave.