Forumi i nëntë ndërkombëtar “Trashëgimia Bullgare” po mbahet në qytetin e Detit të Zi, Ballçik. Veprimtaria, e cila filloi më 24 dhe do të zgjasë deri më 26 gusht, mblodhi rreth 500 pjesëmarrës nga Bullgaria, Rumania, Ukraina dhe Moldavia. Ndër temat e forumit janë 150 vjetori i varjes së Apostullit të Lirisë Vasill Levski dhe etnologjia e bullgarëve. Sot nga ora 9:00 deri në orën 17:00 do të mbahet konkursi folklorik për këngë (autentike dhe të përpunuara), valle dhe tradita të folklorit në qendrën kulturore në qendër të Ballçikut. Informacioni është nga Allbena Ivanova – korrespondente e Radio Varnës në Ballçik.