Nga 14 deri më 16 shtator nënpresidejtja e Bullgarisë Ilijana Jotova është duke bërë një vizitë në Shqipëri. Vizita e nënpresidentes është në prag të regjistrimit kombëtar të popullsisë në Shqipëri - një moment i rëndësishëm për pakicën kombëtare bullgare. Zonja Jotova ishte burrë shteti i pari bullgar që vizitoi komunitetin bullgar në Shqipëri menjëherë pas njohjes së tij zyrtare në vitin 2017.
Në kuadër të vizitës në Tiranë do të prezantohet edhe libri i prof.Spas Tashev “Bullgarët në Shqipëri”. Ilijana Jotova u prit në fshatin Ostreni i Madh nga kryetarja e komunës së Bulqizës Festime Mjesthri, përfaqësues të pushtetit lokal, të ambasadës bullgare dhe nga banorët e fshatit – mes tyre muzikantë dhe vajza të veshura me kostume tradicionale. Këtu Ilijana Jotova do të takohet me përfaqësues të pakicës kombëtare bullgare nga Golloborda. Nënpresidentja do të hapë vitin e ri shkollor në Shkollën Bullgare të së Dielës në qytetin e Elbasanit.
Në Tiranë janë të planifikuara takime me presidentin Bajram Begaj, me zëvendës kryeministren dhe ministre të infrastrukturës dhe energjisë Belinda Balluku, me kryetaren e Kuvendit Lindita Nikolla, me ministrin e punëve të brendshme Taulant Balla. Pritet që nënpresidentja bullgare të bisedojë me rektorin e Universitetit të Tiranës, Prof. Artan Hoxha. Në universitet studiohet gjuha bullgare.
Masat fiskale godasin familjet në Rumani në sfondin e një deficiti rekord Rumania po hyn në një periudhë të vështirë ekonomike dhe komentuesit parashikojnë që kriza do të zgjasë të paktën një vit. Që nga 1 gushti i këtij viti, në vend hyrën..
Në Prokurorinë e Qytetit të Sofjes u hap një hetim para-gjyqësor në lidhje me vdekjen e kapitenit Marin Marinov, njofton BTA, duke iu referuar organit të akuzës shtetërore. Hetimi u hap më 19 maj pas një sinjali nga avokati Minço Spasov dhe ka të bëjë..
Personalitete publike kërkuan nga shteti të marrë një qëndrim për situatën në Gaza. "Ndërkohë që në Gjykatën Ndërkombëtare të Drejtësisë pranë OKB-së po zhvillohet një proces mbi akuzat për gjenocid, Bullgaria nuk ka të drejtë morale të heshtë apo të..