Humbjet nga shtyrja e anëtarësimit të Bullgarisë në Eurozonë dhe Shengen janë ndërmjet 4-5% të PBB-së së vendit, tha për Nova TV Ministri i Financave dhe bashkëkryetari i partisë “Po e vazhdojmë ndryshimin”, Asen Vasilev. Humbjet për bizneset janë nga 250 deri në 500 milionë euro vetëm nga konvertimi i monedhës. Përveç kësaj, shtyrja e anëtarësimit në eurozonë çon në norma më të larta interesi dhe më pak investime. Edhe humbjet për shkak të Shengenit janë të mëdha, tha Vasilev.

Arsyeja e komentit të tij është propozimi i qeverisë për ta shënuar zyrtarisht 1 janar 2025 si data e synuar për anëtarësimin e Bullgarisë në Eurozonë. Ministri shpjegoi se kjo është e nevojshme sepse kabineti i fundit nuk e ka parashikuar vendimin për anëtarësim nga 1 janari 2024 dhe sepse ka përgatitur një buxhet me një deficit vjetor prej 6.4%.