Patriarku Neofit caktoi priftërinj metropolitanë për të kryer shërbimet e zakonshme në tempullin “Shën Nikollaj Mirlikijski”, i njohur si Kisha Ruse, njoftoi Sinodi i Shenjtë i Kishës Ortodokse Bullgare. Si deri më tani, besimtarët do të mund të frekuentojnë kriptën dhe të adhurojnë Kryepeshkopin Serafim (Sobolev) dhe të luten për mbështetjen e tij.
Pak ditë më parë, tempulli mbeti i mbyllur pasi tre priftërinj u dëbuan për spiunazh në favor të Rusisë.
Shenjtëria e tij informoi Patriarkun rus Kirill me një letër për veprimet e ndërmarra. Për hapjen e tempullit ai pret ndihmë edhe nga Ambasada e Rusisë në vendin tonë.
Në mbledhjen e rregullt të sinodit do të diskutohet për çdo çështje tjetër të natyrës laike, juridike dhe administrative në lidhje me kazusin rreth Kishës Ruse, theksohet në njoftim. Sipas informacioneve të BNR, ambasadori bullgar në Moskë Atanas Krëstin u thirr sot në Ministrinë e Jashtme të Rusisë në lidhje me rastin e tre përfaqësuesve të dëbuar të Kishës Ruse.
Në një bisedë me përfaqësuesit e Sinodit të Shenjtë të Kishës Ortodokse Bullgare, kryeministri Nikollaj Denkov shprehu gatishmërinë e shtetit për të ndihmuar në rivendosjen e shërbimeve në kishë, nëse kjo është në kompetencat e saj dhe organi drejtues i kishës e konsideron të nevojshme.
Abdullah Öcalan propozoi bisedime paqeje me PKK nga burgu Lideri i Partisë terroriste të Punëtorëve të Kurdistanit (PKK), Abdullah Öcalan, i cili po vuan një dënim me burgim të përjetshëm, u vizitua nga një i afërm i tij për herë të parë..
Fushata e shtatë zgjedhore në maratonën politike në tre vitet e fundit është në final. Vallë, a dëgjuam mesazhe për një rrugëdalje nga kjo krizë, apo lajmet tradicionale të blerjes së votës, blerësit e vërtetë të të cilave nuk u zbuluan..
Njerëzit janë në pritje të titujve përfundimtarë të serialit “Loja e Zgjedhjeve”, nëse e shohin edhe mbishkrimin “fund” do të jetë më së miri”, tha kryeministri në detyrë Dimitër Gllavçev në fillim të mbledhjes së Këshillit të Ministrave. Të gjithë..
Deputetët bullgarë dëshmuan në praktikë thënien se nëse përsëritet e njëjta gjë, nuk mund të pritet një rezultat tjetër. Sot ata u mblodhën në sallën..
Pjesërisht me re
Vranësira të dendura