Në Muzeun Etnografik Rajonal të qytetit të Plovdivit u hap ekspozita për Bienalen e XII-të Ndërkombëtare “Mjeshtrat e Karikaturës”. Ekspozita, që përfshin veprat më të mira të pjesëmarrësve, mund të shihet deri në fund të tetorit. Tema e këtij viti është "Magjia në kohën dhe hapësirën". Ajo shfaq botën e të mbinatyrshmes dhe magjikes, që e kanë shoqëruar njerëzimin që nga kohërat e lashta, thonë organizatorët. Sipas tyre, përmes gjuhës universale të karikaturave, autorët kanë mundur të zbulojnë kategori të ndryshme të kundërta si e vërteta dhe mashtrimi, e qeshura dhe trishtimi, tradicionalja dhe modernja, duke krijuar kryevepra të vërteta.
Për edicionin aktual të Bienales janë dorëzuar 232 karikatura nga 106 autorë. Ata janë përfaqësues të 37 vendeve nga pesë kontinente. Sipas rregullores, juria nominoi 20 artistë. Pesë prej tyre fituan titullin “Mjeshtër i Karikaturës”, ndërsa pjesa tjetër mori çertifikata. Përveç tyre, në katalogun e Bienales janë përfshirë edhe karikatura të tjera interesante. Ekspozita në Muzeun Etnografik të Plovdivit prezanton veprat që i përmbushin kërkesat e larta të jurisë së konkursit, njoftojnë organizatorët.
Foto: Muzeu Etnografik Rajonal - Plovdiv
Përgatiti në shqip: Kostandina Bello
Ylli i skenës bullgare, Silvija Tomova, ka përfunduar Akademinë Shtetërore të Baletit “A. J. Vaganova” në Shën Petersburg. Karriera e saj është e lidhur me Operën dhe Baletin Kombëtar, ku si primabalerinë ka interpretuar mbi 90 role në tituj klasikë..
Bashkëprodhimi bullgaro-anglez “Lojërat e Djallit” mori çmimin për “kinematografinë më të mirë” në Festivalin prestigjioz të Filmit Chelsea në New York. Kjo u njoftua në Facebook nga Konsullata e Përgjithshme e Bullgarisë në New York. Filmi..
“Vij në Bullgari për t’u mbushur me ndjenja të reja” – këtë na ndau Desisllava Cvetkova, e cila kaloi 14 vjet në kryeqytetet e Evropës së Bashkuar, duke punuar në administratën e Komisionit Evropian. Kohët e fundit Desisllava është përsëri në atdheun..
Vranësira të dendura me shi
Reshje