Kryeministri Nikollaj Denkov në fillim të mbledhjes së qeverisë njoftoi se shteti do të ndajë 14 milionë euro për mbështetjen e fermerëve. Së bashku me 10 milionë euro të tjera të akorduara tashmë nga Fondi “Bujqësia”, shuma për këtë sektor deri në fund të vitit arrin në 24 milionë euro, siç është rënë dakord nga autoritetet me prodhuesit protestues në shtator. Denkov sqaroi se këto janë mjete për fermerët e vegjël dhe janë dhënë në kuadër të programit de minimis. Më vete, në kuadër të programit të ujitjes, 8 milionë euro janë ndarë për fermerët e vegjël dhe të mesëm. Ata do të mbulojnë 80% të kostos së ujit që përdorin. Bullgaria i dërgon një letër Komisionerit Evropian për Bujqësinë, Janush Vojçehovski, me të cilën Sofja kërkon të heqë tavanin për ndihmën e fermerëve për shkak të vështirësive të shkaktuara nga lufta në Ukrainë, njoftoi kryeministri.