Në ambasadën bullgare në Bukuresht u mbajt një forum për prezantimin e programit kombëtar "Tregimet e pathëna të bullgarëve". “Nuk kishte vend më të natyrshëm që të fillonte kjo ide e mrekullueshme. Jeta, fati dhe vepra e të gjithë personaliteteve më të mëdha të historisë bullgare në shekullin XIX janë të lidhura me Bukureshtin”, u tha të pranishmëve ambasadori Radko Vllajkov.

"Tregimet e pathëna të bullgarëve" do të jenë pjesë e kapitalit tonë jashtëzakonisht të pasur kombëtar", theksoi ministri i arsimit Galin Çokov. Ai shtoi se qëllimi është të ruhet gjuha bullgare përmes krijimit të një arkivi të përbashkët digjital dhe të futet te të rinjtë patriotizmi ndaj Bullgarisë, pavarësisht se ku janë në botë. Programi ndryshon modelin e edukimit, studentët bëhen palë aktive në mënyrë që ata të mund të tregojnë historitë e tyre vendase, shpjegoi Cokov.