Pasi, në ditën e fundit të shtatorit, Vlladi Ampov - Grafa prezantoi një shfaqje madhështore muzikore në Stadiumin Kombëtar “Vasill Levski”, në tregun muzikor doli edhe kënga e tij më e re “Universi”. Videoja e këngës prezanton pamje mbresëlënëse të koncertit, të cilin e frekuentuan mbi 20 000 njerëz. Më shumë se njëzet kamera arritën të kapin përmasat e ngjarjes - skenën e madhe, skenografinë, ndriçimin, efektet dhe mbi të gjitha humorin dhe buzëqeshjet që ngjallnin te publiku interpretimet e këngëtarit Grafa.
Kënga “Universi” u përfshi në albumin e ri të Vlladi Ampov "Pylli shekullor" dhe nuk është çudi që ai është autor i muzikës, tekstit dhe aranzhimit. Në krijimin e tekstit lirik u përfshi edhe Georgi Kasabov - NDOE.
Frymëzimi për krijimin e këngës "Universi" ishte bashkëshortja e Grafës - Maria. Gjatë koncertit për habinë e zonjës bukuroshe, Vlladi me ndihmën e valltarëve e nxori në skenë për të prezantuar këngën. Ky moment dashurie dhe ndarjeje është pjesa më emocionuese e videos, e cila na transferon në Universin e këngëtarit Vlladi Ampov – Grafa.
Redaktore: Diljana Traçeva
Përgatiti në shqip dhe publikoi: Svetllana Dimitrova
Foto: YouTube /MonteMusicLtd, BGNES
Gjashtë vjet pasi në tregun muzikor doli albumi i fundit i Mary Boys Band “Ditë të lumtura”, grupi thotë “Përshëndetje”, duke u rikthyer me një këngë të re me të njëjtin emër. Gjatë kësaj periudhe, vetë Maria - Maria Mutafçieva - realizoi albumin e..
Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet..
Dy emra yjesh nga dy breza të muzikës bullgare - Ljubo Kirov dhe Mihaella Marinova - po takohen sërish. Së bashku i dëgjuam për herë të parë në vitin 2020 në versione duete në këngën tashmë hit të Ljubo Kirovit "Mundem". Ishte një sukses i tillë..