Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në ditën e Shën Dhimitrit në fshatin Teshovo

27
Foto: Elena Karkallanova

Të krishterët ortodoksë shikojnë sot imazhin e Shën Dhimitër Mirovlitit me besim në ndërmjetësimin e tij qiellor. Më 26 tetor kisha nderon martirin e madh të lindur në Selanik. Emri i Shën Dhimitrit është i lidhur me historinë e popullit bullgar. Në vitin 1185, gjatë dy shekujve të skllavërisë bizantine, vëllezërit bujar Asen dhe Pjetër shpallën në Tërnovgrad se nuk e njihnin më autoritetin bizantin. Kjo ndodhi më 26 tetor - festën kishtare të tempullit që ata ndërtuan "Shën Dhimitër”. Me ndihmën e shenjtorit, lufta për pavarësi pati një fund të suksesshëm - në pranverën e vitit 1187, perandori bizantin nënshkroi një traktat paqeje, i cili njohu autoritetin e vëllezërve Asen dhe Pjetër mbi Bullgarinë Veriore, akt me të cilin filloi historia e Mbretërisë së Dytë Bullgare (1185 – 1396).

Respekti për Shën Dhimitër të Selanikut është i përhapur në Ballkan dhe në Bullgari shumë kisha mbajnë emrin e shenjtorit, i paraqitur në ikonat si një luftëtar mbi një kalë të kuq, duke shpuar me shtizën e tij gjeneralin Lee, i cili i vriste besimtarët në Krisht.

Kisha “Shën Dhimitër”, në fshatin e fshehur mes shpateve jugore të malit Pirin - Teshovo, i pret besimtarët për festën me afreske të shndritshme, pas një restaurimi dhe konservimi të gjatë.

Kompleksi i tempullit u ndërtua në periudhën e viteve 1843-44 në vendin e një kishe më të vjetër ortodokse, e cila ndoshta ekzistonte nga shekujt VIII-IX. Shenjtërimi i kishës u bë në Ditën e Shën Dhimitrit në vitin 1871 dhe deri më sot festa është ngjarja më e rëndësishme në jetën e fshatit.

Kisha “Shën Dhimitër” është një pseudobazilikë me tre anijata me absidë gjysmë rrethore. Kupola e ndërtuar zmadhon vizualisht hapësirën e brendshme dhe dritën që hyn në të. Akustika e tempullit është e jashtëzakonshme.

Muralet e pasura janë interesante për sa i përket mënyrës së pikturimit dhe subjekteve të rikrijuara - përveç skenave tradicionale biblike, ato ringjallin kujtimet historike të madhështisë së mëparshme të Bullgarisë. Ato janë vepër e zografit Mino dhe dy djemve të tij Marko dhe Teofil nga familja Bundovci nga fshati Karakjoj (Greqia e sotme). 

Tre zografët - Mino dhe djemtë e tij Marko dhe Teofil në një nga afresket në kishë

Ikonostasi monumental është në tre reshta - mbretëror, festiv dhe profetik. Gdhendja në dru bën përshtypje me figurat e bizhuterive dhe gërshetat e gdhendura me mjeshtëri nga druri i arrës. Ikonat e ngulitura në të janë me vlerë të jashtëzakonshme artistike - shumica e tyre janë vepër e Dimitër Molerov-Molera, një përfaqësues i shquar i Shkollës së Artit në Bansko.


Kisha e mrekullueshme luan një rol vendimtar në ruajtjen e spiritualitetit në Teshovo. Dhe megjithëse fshati ndodhet në një nga qoshet më të largëta të Bullgarisë dhe 100 banorët që jetojnë sot atje janë në moshë të shtyrë, kisha gëzon vëmendje dhe kujdes të madh.

Çdo vit, më 26 tetor, Ditën e Shën Dhimitrit aty mblidhen mysafirë nga e gjithë pjesa jugperëndimore e Bullgarisë, por edhe nga skajet më të largëta të vendit, madje edhe nga Greqia fqinje. Sipas legjendës, i cili është i sëmurë dhe kalon natën në tempull para festës, shërohet nga Shën Dhimitri, besim ky i cili është ruajtur deri më sot.

Lexoni më shumë:


Redaktore: Elena Karkallanova

Përgatiti në shqip dhe publikoi: Svetllana Dimitrova

Fotot: Elena Karkallanova, Facebook / Teshovo (facebook.com/teshovo)





Последвайте ни и в Google News Showcase, за да научите най-важното от деня!

Më shumë nga rubrika

Fletorja personale e Hristo Botevit dëshmon për vitin e fundit të jetës së tij

Më 2 qershor, ne përulemi para Hristo Botevit – një mbrojtës i zellshëm për lirinë e Bullgarisë, poet dhe publicist. Pikërisht në orën 12:00, një ulërimë sirene dhe një minutë heshtje na kujtojnë bëmën e revolucionarit dhe të gjithë atyre që vdiqën..

botuar më 25-06-02 7.45.PD

Prof. Konstantinos Nihoritis për shkronjat bullgare dhe Vëllezërit e Shenjtë Kirill dhe Metodij

Prof. Konstantinos Nihoritis është një shkencëtar me të cilin i lidhim më shumë nga burimet e zbuluara greke për veprën e Vëllezërve Kirill dhe Metodij në shkallë botërore. Një studiues dhe teolog i shquar i Bullgarëve të Vjetër me botime të shumta..

botuar më 25-05-24 6.10.PD

Një ekspozitë që paraqet Heraklea Sintika gëzon një interes të madh në Evropë

Ekspozita mobile "Sekrete dhe Mistere nga Heraklea Sintika, një Udhëtim nëpër Kohë" do të hapet më 26 maj në Muzeun Kombëtar Sllovak. Ajo do të qëndrojë në Bratislavë deri në fund të korrikut, tha për BTA drejtoresha e muzeut në qytetin e Petriçit..

botuar më 25-05-19 12.27.MD