Deputetët u gjendën në ngërç në votimin e mosbesimit të dytë ndaj kabinetit të Nikollaj Denkov të kërkuar nga opozita - BSP, “Ka popull të tillë” dhe “Vëzrazhdane” për shkak të menaxhimit të keq në sektorin “Sigurim dhe Mbrojtje Kombëtare”. Parlamenti nuk mori një vendim për shkak të mungesës së kuorumit.  Kjo situatë u arrit pasi përfaqësuesit e GERB dhe DPS u larguan nga salla plenare menjëherë para votimit. Arsyeja ishte propozimi i GERB-it, i refuzuar nga parlamenti, që brenda një afati treditor të hiqet derogimi për importin e naftës ruse në vendin tonë. Për shkak të mungesës së kuorumit, mbledhja u ndërpre. Procedura e radhës e votimit të mosbesimit do të zhvillohet ditën e premte më 17 nëntor.

• Parlamenti hodhi poshtë heqjen e derogimit për importin e naftës ruse