Ministri i Jashtëm grek shkon në Gaza, këmbëngul për korridor humanitar
Ministri i Jashtëm grek, Georgios Gerapetritis, bëri një vizitë të jashtëzakonshme në Gaza për të siguruar një korridor humanitar. Ai foli me lidershipin palestinez në kryeqytetin e autonomisë Palestineze, Ramallah. Në takim u diskutua për procesin e negociatave me Izraelin. Ministri i Jashtëm grek ka theksuar se ruajtja e jetëve të qytetarëve në Gaza është e një rëndësie të madhe dhe sigurimi i një korridori humanitar është i rëndësishëm.
Kisha greke ka shprehur gatishmërinë e saj për të ndihmuar të plagosurit në konflikt, njoftoi korrespondentja e BNR-së në Athinë, Katja Peeva. Në kryeqytetin grek, diplomatët palestinezë u takuan me kryepeshkopin e Greqisë, Hieronymus. Kreu i kishës greke ka shprehur shqetësimin për viktimat dhe civilët e plagosur në Gaza. Palestinezët kanë falënderuar për ndihmën e dhënë qytetarëve që ndodhen në kishat dhe manastiret greke.
Në Rumani fillon trajnimi i pilotëve ukrainas për avionët luftarakë F-16
Një Qendër Evropiane e Trajnimit F-16 (QET) e mbështetur nga NATO u hap në bazën ajrore Borca të Rumanisë pranë qytetit Fetest, 150 kilometra në lindje të kryeqytetit Bukuresht. Pilotët rumunë dhe ukrainas do të trajnohen atje, njoftuan ministri rumun i mbrojtjes Angel Talvar dhe homologu i tij holandez Kajsa Ollongren, të cituar nga BTA. Kompania amerikane Lockheed Martin po siguron instruktorët dhe mirëmbajtjen e pajisjeve dhe Holanda do të sigurojë nga 12 deri në 18 avionë F-16 për programin e trajnimit, i cili pritet të zgjasë të paktën 6 muaj. Vetë Rumania aktualisht ka 17 avionë luftarakë të përdorur F-16, të cilët i bleu nga Portugalia. Ajo ka blerë gjithashtu 32 F-16 të përdorura nga Norvegjia, tetë prej të cilëve pritet të dorëzohen këtë vit. Ardhja e F-16-ve të parë në Ukrainë pritet nga pranvera e vitit 2024.
Ministri kroat i Mbrojtjes Mario Banozic është shkarkuar nga posti i tij pasi shkaktoi një aksident ku humbi jetën një person. Ai parakaloi një kamion me makinën e tij personale. Ministri 44-vjeçar është përplasur me një furgon që ishte duke ardhur në korsinë e kundërt, drejtuesi i të cilit ka humbur jetën. Pas incidentit, Banozic, i cili u shtrua në spital me lëndime dhe nuk e mban mend incidentin, u shkarkua nga posti i tij nga kryeministri Andrej Plenkoviq. Vendin e Banozic me miratim nga Parlamenti e zuri Ivan Anusic, një veteran i Luftës së Pavarësisë. Me marrjen e detyrës, ministri i ri premtoi se gjatë 5-6 muajve të mbetur të mandatit, ai do t'i kushtonte përpjekjet e tij "për forcimin dhe modernizimin e ushtrisë kroate, një simbol i forcës dhe krenarisë së popullit kroat".
Beograd: Rruga drejt Ballkanit të Hapur kalon edhe përmes verës
Filloi Panairi i Dytë Ndërkombëtar i Verës Wine Vision of the Open në kryeqytetin serb, Beograd. Veprimtaria zhvillohet nga data 16 deri më 19 nëntor nën kujdesin e qeverive të Serbisë, Maqedonisë së Veriut dhe Shqipërisë, si pjesë e nismës "Ballkani i Hapur" me pjesëmarrjen e mbi 600 ekspozuesve nga 30 vende. Ekspozuesit më të shumtë janë nga vendet anëtare të “Ballkanit të Hapur”. 260 janë nga Serbia, 74 nga Maqedonia e Veriut dhe 21 nga Shqipëria, raporton BTA. Në hapje, presidenti serb Aleksandar Vuçiç u mburr se ka 467 kantina të vogla në Serbi, një numër që është dhjetëfishuar brenda një periudhë 5-vjeçare.
Përpiloi: Miglena Ivanova
Foto: BGNES, EPA/BGNESPërktheu në shqip dhe publikoi: Kostandina Bello
Me zgjedhjet për PE në Slloveni, votuan edhe për votim preferencial, eutanazi dhe kanabis për qëllime mjekësore. Në zgjedhjet për Parlamentin Evropian në Slloveni më 9 qershor, pjesëmarrja tejkaloi 41% dhe ishte më e larta që nga viti..
Komisioni Qendror i Zgjedhjeve shpërndau mandatet sipas partive për 17 vendet e eurodeputetëve nga Bullgaria. GERB-SDS merr 5 mandate, Lëvizja për të Drejta dhe Liri (DPS) - 3, "Po e vazhdojmë ndryshimin - Bullgaria Demokratike" (PP-DB) - 3,..
Kriza politike në Bullgari solli befasinë e zgjedhjeve të parakohshme parlamentare - të gjashtat në më pak se tre vjet. Nga një parlament gjashtëpartiak, parlamenti ynë u rrit me një forcë të re politike, pasi 13 deputetë do të ketë partia politike..
Shkupi pretendon se Bullgaria nuk ka një projekt për lidhje hekurudhore përgjatë Korridorit nr.8 Ndërtimi i linjës hekurudhore nga Kriva Pal..