Qeveria miratoi disbursimin urgjent prej 263.3 milionë dollarësh si këstin e parë për blerjen e automjeteve të blinduara luftarake Stryker nga SHBA. Pagesa duhet të bëhet brenda datës 15 dhjetor. Kontrata e miratuar nga parlamenti do të bëjë të mundur tejkalimin e një pjese të deficitit të aftësive në Forcat Tokësore të Ushtrisë Bullgare në një periudhë të shkurtër kohore, theksuan nga Ministria e Mbrojtjes. Marrëveshja parashikon blerjen e 198 automjeteve luftarake dhe ndihmëse, 183 prej të cilave nga familja Stryker. Vlera e parashikuar është 1.376 miliardë dollarë. Në të njëjtën kohë, komisioni parlamentar i mbrojtjes hodhi poshtë veton e presidentit Rumen Radev për pajisjen e Ukrainës me 100 mjete të blinduara të vjetra. Gjatë debatit u bë e qartë se makineritë janë 43 vjeçare dhe nuk mund të riparohen në vend.