Njerëzit që drejtojnë organizatat bullgare nëpër botë, çojnë fëmijët e tyre në shkollat e së dielës dhe marrin pjesë në ansamblet tona folklorike janë individët që ndajnë nga koha e tyre për t'ia dhënë Bullgarisë. "Dëshira ime është që më shumë njerëz të kenë nevojën e brendshme për ta bërë këtë", tha Rajna Manxhukova. Drejtoresha e Agjencisë Ekzekutive për Bullgarët Jashtë Shtetit i dërgoi një urim për Krishtlindje auditorit të Radio Bullgarisë në të gjitha kontinentet:
“Në prag të festave të ndritura të Krishtlindjeve dhe të Vitit 2024, për të cilin të gjithë shpresojmë se do të jetë më i mirë, dëshiroj të uroj të gjithë bullgarët në vendin tonë dhe në mbarë botën, para së gjithash, shëndet. Sepse vetëm një person i shëndetshëm, të dashurit e të cilit janë gjithashtu të shëndetshëm, mund të punojë me zell në të gjitha sferat e jetës. Gjithashtu dua të bëj thirrje për forcë, që njeriu të mund të largohet nga përditshmëria, shqetësimet e tij të përditshme dhe t'i investojë ato në diçka të mirë për të tjerët”- theksoi Manxhukova dhe shtoi.
“Dëshiroj t'u them edhe një gjë tjetër bashkatdhetarëve tanë që do të më dëgjojnë - ndoshta ata nuk duan të kenë marrëdhënie me Bullgarinë, por ajo ka nevojë për të gjithë ata që janë jashtë, pavarësisht nëse janë anëtarë të një organizate apo jo. Emri i mirë i një bullgari jashtë vendit nuk është më pak i dobishëm për Bullgarinë sesa veprimtaria e çdo organizate.
Njëherë e një kohë, gjyshërit tanë, kur na uronin diçka, thoshin - shëndet dhe paqe. Sikur nuk i vlerësonim këto mesazhe. 2020 na tregoi se sa i vlefshëm është shëndeti. Lufta e Rusisë kundër Ukrainës që nga viti 2022 na tregoi se sa e vlefshme është paqja. Unë me të vërtetë dua që viti 2024 të sjellë paqe në Ukrainë dhe kështu të sjellë paqe në të gjithë Evropën.
Jini të shëndetshëm, të lumtur dhe dini se Bullgaria mendon për ju me dashuri!
Përgatiti në shqip dhe publikoi: Svetllana Dimitrova
Për herë të 20-të Sofja i bashkohet “Natës Evropiane të Muzeve”. Iniciativa organizohet nga Instituti Francez në Bullgari, Ministria e Kulturës dhe Bashkia e Sofjes të shtunën e tretë të majit. Në programin e natës, banorët dhe të ftuarit e kryeqytetit..
Më shumë se 7000 fëmijë nga diasporat historike bullgare në Ukrainë, Moldavi, Serbi, Maqedoninë e Veriut dhe Shqipëri u bënë ambasadorë të idesë evropiane në vendet e tyre pas seminareve të Fondacionit "Kujtesa Bullgare". Këtë e tha kryetari i..
Shëndeti fizik dhe mendor i njerëzve, gjatë gjithë ciklit jetësor, është në fokus gjatë ditëve të Javës Evropiane të Shëndetit Publik /EUPHW13–17 maj/. Nisma promovon bashkëpunimin midis specialistëve të mjekësisë në Evropë, thekson rëndësinë e shëndetit..
Për herë të 20-të Sofja i bashkohet “Natës Evropiane të Muzeve”. Iniciativa organizohet nga Instituti Francez në Bullgari, Ministria e Kulturës dhe..
Muzeu etnografik në Burgas do të mbajë erë ushqimi. Aty, drejtori i muzeut, dr. Milen Nikollov, do të demonstrojë personalisht kuzhinën etnike dhe..
Në Muzeun Arkeologjik në Burgas (Blvd. "Aleko Bogoridi" 21) u hap ekspozita "Thesari i Artë i Panagjurishtes". Kopja muzeale e thesarit më të famshëm..